កូរិនថូស ទី២ ១២:៧–១០
ព្រះយេស៊ូវអាចធ្វើឲ្យភាពទន់ខ្សោយក្លាយទៅជាភាពខ្លាំងបាន
មេរៀនរបស់ប៉ុលមកពី « បន្លា »
សាវកប៉ុលគឺជាអ្នកបម្រើដ៏អស្ចារ្យរបស់ព្រះយេស៊ូវគ្រីស្ទ ។ លោកបានមានវិវរណៈជាច្រើន និងបានបង្រៀនប្រជាជនអំពីព្រះអង្គសង្គ្រោះ ។ ប៉ុន្តែប៉ុលក៏មានបញ្ហាប្រឈមជាច្រើនដែរ ។
កូរិនថូស ទី២ ១២:៧
នៅក្នុងសំបុត្រមួយច្បាប់ទៅកាន់សមាជិកសាសនាចក្រ ប៉ុលបានប្រៀបធៀបបញ្ហាប្រឈមរបស់លោកទៅនឹងការមានបន្លាចាត់មកក្នុងសាច់ឈាមរបស់លោក ។ វាបានធ្វើឲ្យប៉ុលមានអារម្មណ៍ទន់ខ្សោយជាខ្លាំង ។
កូរិនថូស ទី២ ១២:៧
ប៉ុលបានអធិស្ឋាន និងទូលសូមព្រះអម្ចាស់ឲ្យដកយកបញ្ហាប្រឈមរបស់លោកចេញចំនួនបីដង ។ ប៉ុន្តែព្រះអម្ចាស់មិនបានដកយកវាចេញនោះទេ ។
កូរិនថូស ទី២ ១២:៨–៩
ផ្ទុយទៅវិញ ព្រះអម្ចាស់បានមានបន្ទូលប្រាប់ប៉ុលថា ទ្រង់មានព្រះចេស្ដាល្មមគ្រប់គ្រាន់ដើម្បីធ្វើឲ្យប៉ុលរឹងមាំបាន ។ ប៉ុលបានរៀនថា ពេលខ្លះបញ្ហាប្រឈមអាចជារឿងល្អ ប្រសិនបើយើងងាកទៅរកព្រះអម្ចាស់ ហើយទូលសូមជំនួយ ។ នៅពេលយើងមានអារម្មណ៍ថាទន់ខ្សោយ ព្រះយេស៊ូវគ្រីស្ទអាចធ្វើឲ្យយើងរឹងមាំបាន ទោះបីជាបញ្ហាប្រឈមរបស់យើងមិនរសាយបាត់ក៏ដោយ ។
កូរិនថូស ទី២ ១២:៩–១០