ម៉ាកុស ១០:១៣–១៦
ព្រះយេស៊ូវប្រទានពរដល់កូនក្មេងតូចៗ
« នគរព្រះមានសុទ្ធតែមនុស្សដូចវារាល់គ្នាដែរ »
ខណៈដែលព្រះយេស៊ូវកំពុងបង្រៀន មនុស្សមួយចំនួនបាននាំកូនតូចៗរបស់ពួកគេមកកាន់ទ្រង់ ។ ពួកគេចង់ឲ្យព្រះយេស៊ូវប្រទានពរដល់កូនៗរបស់ពួកគេ ។ ពួកសិស្សរបស់ទ្រង់បានព្យាយាមបញ្ឈប់ពួកគេ ។
ម៉ាថាយ ១៩:១៣; ម៉ាកុស ១០:១៣
ព្រះយេស៊ូវបានមានបន្ទូលទៅពួកសិស្សរបស់ទ្រង់ថា ចូរឲ្យកូនក្មេងចូលមករកទ្រង់ចុះ ។ ទ្រង់បានមានបន្ទូលថា កូនក្មេងតូចៗមានកន្លែងនៅក្នុងនគររបស់ព្រះ ។ ទ្រង់បានពន្យល់ថា ប្រសិនបើនរណាម្នាក់ចង់រស់នៅជាមួយព្រះម្តងទៀត នោះពួកគេត្រូវក្លាយដូចជាកូនក្មេងតូចម្នាក់ ។
ម៉ាថាយ ១៩:១៤; ម៉ាកុស ១០:១៤–១៥
បន្ទាប់មក ព្រះយេស៊ូវបានបីកូនក្មេងតូចៗទាំងនោះនៅក្នុងព្រះហស្ដទ្រង់ ហើយប្រទានពរដល់ពួកគេ ។
ម៉ាថាយ ១៩:១៥; ម៉ាកុស ១០:១៦