លូកា ៧:១–១០
ព្រះយេស៊ូវប្រោសបាវបម្រើរបស់មេទ័ពឲ្យជា
អ្នកដឹកនាំរ៉ូមបង្ហាញសេចក្តីជំនឿដ៏អស្ចារ្យ
មេទ័ពម្នាក់រស់នៅក្រុងកាពើណិម ជាទីក្រុងមួយដែលព្រះយេស៊ូវឧស្សាហ៍ទៅបង្រៀន ។ គាត់គឺជាមេទ័ពនៃក្រុមទាហានដ៏ធំមួយ ។
លូកា ៧:១–២
មេទ័ពនេះមានបាវបម្រើម្នាក់ ដែលពិសេសខ្លាំងណាស់ចំពោះគាត់ ។ បាវបម្រើនេះបានឈឺហៀបនឹងស្លាប់ទៅហើយ ។
លូកា ៧:២
ទោះបីជាមេទ័ពនេះមិនមែនជាសាសន៍យូដាក្ដី ក៏គាត់បានឮពីព្រះយេស៊ូវដែរ ។ គាត់ជឿថា ព្រះយេស៊ូវមានព្រះចេស្ដាដើម្បីធ្វើអព្ភូតហេតុដ៏អស្ចារ្យបាន ។ គាត់បានបញ្ជូនអ្នកដឹកនាំសាសន៍យូដាមួយចំនួនឲ្យទូលសូមព្រះយេស៊ូវឲ្យយាងមកព្យាបាលបាវបម្រើរបស់គាត់ ។
លូកា ៧:៣–៤
អ្នកដឹកនាំទាំងនេះបានទូលប្រាប់ព្រះយេស៊ូវអំពីមេទ័ពនេះ និងបាវបម្រើរបស់គាត់ ។ ពួកគេបាននិយាយថា មេទ័ពនេះមានចិត្តល្អដាក់ពួកសាសន៍យូដា ។ ព្រះយេស៊ូវចាប់ផ្តើមយាងទៅកាន់ផ្ទះរបស់មេទ័ពនេះ ។ ប៉ុន្តែមុនពេលដែលទ្រង់បានយាងទៅដល់ទីនោះ មិត្តភក្តិមួយចំនួនរបស់មេទ័ពនោះបានបញ្ឈប់ព្រះយេស៊ូវ ។ ពួកគេបានទូលប្រាប់ទ្រង់ថាកុំឲ្យចូលទៅក្នុងផ្ទះនោះអី ។
លូកា ៧:៤–៦
មិត្តភក្តិទាំងនោះបាននិយាយថា មេទ័ពរូបនេះមានអារម្មណ៍ថាខ្លួនមិនស័ក្ដិសមដើម្បីទទួលព្រះយេស៊ូវនៅក្នុងផ្ទះរបស់គាត់នោះទេ ។ គាត់ជឿថា ព្រះយេស៊ូវអាចព្យាបាលបាវបម្រើរបស់គាត់ឲ្យជាបាន ទោះជាពីចម្ងាយក្ដី !
លូកា ៧:៦–៨
ព្រះយេស៊ូវមានការអស្ចារ្យនឹងសេចក្តីជំនឿរបស់មេទ័ពនេះ ។ ទ្រង់មានបន្ទូលថា ទ្រង់មិនដែលឃើញសេចក្តីជំនឿដ៏អស្ចារ្យបែបនេះទេ ។
លូកា ៧:៩
នៅពេលមិត្តភក្តិរបស់មេទ័ពនេះបានទៅដល់ផ្ទះរបស់គាត់វិញ នោះបាវបម្រើនេះបានជាសះស្បើយទាំងស្រុង ។ ព្រះយេស៊ូវបានព្យាបាលគាត់ គឺដូចដែលមេទ័ពនេះបានជឿថា ទ្រង់អាចព្យាបាលបានមែន ។
លូកា ៧:១០