អេភេសូរ ៦:១១–១៧
គ្រប់គ្រឿងសឹករបស់ព្រះ
ការរក្សាសុវត្ថិភាពខាងវិញ្ញាណ
ប៉ុលបានបង្រៀនពួកបរិសុទ្ធនៅអេភេសូរថា យើងទាំងអស់គ្នានៅក្នុងការប្រយុទ្ធខាងវិញ្ញាណរបស់យើងប្រឆាំងនឹងអារក្ស ។ ដូចជាពួកទាហានដែលពាក់គ្រឿងសឹកដើម្បីការពាររូបកាយរបស់ពួកគេឲ្យមានសុវត្ថិភាពដែរ យើងអាចពាក់គ្រឿងសឹកខាងវិញ្ញាណរបស់ព្រះ ដើម្បីការពារសុវត្ថិភាពខាងវិញ្ញាណរបស់យើងបាន ។
អេភេសូរ ៦:១១–១៣
ប៉ុលបានប្រៀបធៀបគ្រឿងសឹករបស់ទាហាន ទៅនឹងអ្វីដែលការពារយើងខាងវិញ្ញាណ ។ ឧទាហរណ៍ លោកបាននិយាយថា សេចក្ដីពិតគឺដូចជាខ្សែក្រវាត់ ឬក្រវាត់ចងជុំវិញចង្កេះយើង ។
អេភេសូរ ៦:១៤
បន្ទាប់មក ប៉ុលបាននិយាយថា សេចក្ដីសុចរិតគឺដូចជាប្រដាប់បាំងដើមទ្រូង ដែលការពារបេះដូងរបស់យើង ។
អេភេសូរ ៦:១៤
ដំណឹងល្អនៃសេចក្ដីសុខសាន្ដរបស់ព្រះយេស៊ូវគ្រីស្ទគឺដូចជាស្បែកជើង ដែលយើងពាក់ដើម្បីការពារជើងរបស់យើង ។
អេភេសូរ ៦:១៥
សេចក្ដីជំនឿរបស់យើងលើព្រះយេស៊ូវគ្រីស្ទគឺដូចជាខែល ដែលការពារយើងពីសាតាំង គឺដូចជាខែលដែលការពារពួកទាហានពីព្រួញសត្រូវរបស់ពួកគេដែរ ។
អេភេសូរ ៦:១៦
ប៉ុលបាននិយាយថា សេចក្ដីសង្គ្រោះគឺដូចជាមួកសឹកដែលការពារក្បាល និងគំនិតរបស់យើងឲ្យមានសុវត្ថិភាព ។
អេភេសូរ ៦:១៧
ជាចុងក្រោយ ប៉ុលបាននិយាយថា ព្រះវិញ្ញាណ និងព្រះបន្ទូលនៃព្រះគឺដូចជាដាវ ។
អេភេសូរ ៦:១៧
នៅពេលយើងពាក់គ្រប់គ្រឿងសឹករបស់ព្រះ នោះយើងអាចឈរយ៉ាងក្លាហានប្រឆាំងនឹងការកុហក និងការល្បួងរបស់អារក្សបាន ។ ព្រះបានប្រទានគ្រឿងសឹកនេះឲ្យយើង ដើម្បីជួយយើងឲ្យការពារវិញ្ញាណរបស់យើងឲ្យមានសុវត្ថិភាព និងរឹងមាំ ។
អេភេសូរ ៦:១១–១៣