ម៉ាកុស ១២:៤១–៤៤
ស្រី្ដមេម៉ាយ និងប្រាក់ពីរស្លឹង
ព្រះយេស៊ូវបង្រៀនអំពីការលះបង់
ព្រះយេស៊ូវបានយាងទៅព្រះវិហារបរិសុទ្ធនៅទីក្រុងយេរូសាឡិម ។ ខណៈដែលទ្រង់គង់នៅទីនោះ ទ្រង់បានទតមើល កាលដែលមនុស្សបានថ្វាយប្រាក់សម្រាប់កិច្ចការព្រះវិហារបរិសុទ្ធ ។ អ្នកមានជាច្រើនបានថ្វាយប្រាក់យ៉ាងច្រើន ។
ម៉ាកុស ១២:៤១
បន្ទាប់មក មានស្រីមេម៉ាយក្រម្នាក់មកដាក់ប្រាក់ពីរស្លឹង ដែលត្រូវជាកន្លះសេន ។ វាមិនច្រើនណាស់ណាទេ ប៉ុន្តែវាគឺជាប្រាក់ទាំងអស់ដែលនាងមាន ។
ម៉ាកុស ១២:៤២, ៤៤
ព្រះយេស៊ូវបានឃើញស្ត្រីមេម៉ាយនោះ ហើយបានហៅពួកសិស្សរបស់ទ្រង់ឲ្យមកមើលអ្វីដែលនាងបានធ្វើ ។
ម៉ាកុស ១២:៤៣
ព្រះយេស៊ូវបានមានបន្ទូលថា ស្ដ្រីមេម៉ាយនេះបានថ្វាយច្រើនជាងនរណាៗទាំងអស់ ។ អ្នកមានបានថ្វាយប្រាក់ជាច្រើន ប៉ុន្តែវាគ្រាន់តែជាផ្នែកដ៏តូចមួយនៃអ្វីដែលពួកគេមានប៉ុណ្ណោះ ។ ស្ត្រីមេម៉ាយរូបនេះបានថ្វាយប្រាក់តែបន្តិចបន្ដួចពិតមែន ប៉ុន្តែនាងបានថ្វាយអ្វីទាំងអស់ដែលនាងមាន ។
ម៉ាកុស ១២:៤៣–៤៤