ម៉ាកុស ៨:២២–២៥
ព្រះយេស៊ូវប្រោសមនុស្សខ្វាក់ម្នាក់ឲ្យមើលឃើញ
ការព្យាបាលដែលកើតឡើងតាមពេលវេលា
នៅភូមិមួយឈ្មោះថា បេតសៃដា មានគេនាំមនុស្សខ្វាក់ម្នាក់មកកាន់ព្រះយេស៊ូវ ។ ពួកគេចង់ឲ្យព្រះយេស៊ូវប្រទានពរដល់គាត់ ដើម្បីគាត់អាចមើលឃើញ ។
ម៉ាកុស ៨:២២
ព្រះយេស៊ូវបានចាប់ដៃមនុស្សខ្វាក់នោះ ហើយនាំចេញទៅក្រៅភូមិ ។ បន្ទាប់មក ព្រះយេស៊ូវបានដាក់ព្រះហស្តទ្រង់លើបុរសនោះ ហើយបានប្រទានពរដល់គាត់ ។
ម៉ាកុស ៨:២៣
ព្រះយេស៊ូវបានសួរបុរសនោះថា តើគាត់អាចមើលឃើញអ្វីទេ ។ បុរសនោះងើយមើលឡើងលើ ។ គាត់បាននិយាយថា គាត់អាចមើលឃើញបន្តិច ប៉ុន្តែមិនសូវច្បាស់ទេ ។ គាត់បាននិយាយថា មនុស្សដើរមើលទៅដូចជាដើមឈើ ។
ម៉ាកុស ៨:២៣–២៤
ព្រះយេស៊ូវបានប្រទានពរដល់បុរសនេះម្តងទៀត ។ លើកនេះ នៅពេលគាត់ងើយមើលឡើងលើ គាត់ឃើញអ្វីៗគ្រប់ទាំងអស់យ៉ាងច្បាស់ ។ ព្រះយេស៊ូវបានប្រោសគាត់ឲ្យមើលឃើញ !
ម៉ាកុស ៨:២៥