Magakari Liwat si Jesucristo

Ang panan-awon ni Juan sang paglaum kay Jesucristo

Si Juan nga nagatindog sa tupad ni Jesucristo.

Si Apostoles Juan may pinasahi nga panan-awon. Nakita niya si Jesucristo, nga nagpakita kay Juan sang madamo nga mga butang parte sa nagligad kag sa palaabuton. Ginsilingan niya si Juan nga isulat ang mga butang nga iya nakita. Nahibaloan ni Jesus nga ang mga Santos nagatinguha sang ila masarangan sa pagsunod sa Iya. Gusto ni Jesus nga maglaum sila nga mas gamhanan Sia sangsa kalainan sa kalibutan.

Bugna 1:1–2, 9–11, 13–15, 19; 2–3

Ang Amay nga Langitnon nga nagaagbay kay Jesucristo.

Sa iya panan-awon, nakita ni Juan ang isa ka libro nga wala sing may makabukad. Kag nakita ni Juan ang isa ka kordero nga nagrepresentar kay Jesucristo; Mahimo niya buksan ang libro. Natun-an ni Juan nga antes gintuga ang kalibutan, ginpili sang Amay nga Langitnon si Jesucristo nga mangin aton Manluluwas. Amo ini ang pinakaimportante nga parte sang plano sang Dios, kag si Jesus lamang ang makahimo sini.

Bugna 5

Si Satanas kag isa ka grupo sang mga anak nga espiritu nga nagabiya sa langit.

Nakita man ni Juan ang isa ka dragon nga nagarepresentar kay Satanas. Wala manamii si Satanas sa plano sang Dios. Ginsuguran niya ang inaway sa langit. Ang kalabanan sang mga anak nga espiritu sang Amay nga Langitnon may pagtuo kay Jesucristo kag nagpili nga sundon Sia. Pero ang iban sa ila nagpili nga sundon si Satanas. Tungod sa ila ginpili, ginkinahanglan nila nga magbiya sa langit.

Bugna 12:3–11

Isa ka gintingob nga larawan nga nagapakita sang nagamartsa nga mga soldado, mga tawo nga nagakinahanglan, kag tiggulutom.

Nakita ni Juan nga si Satanas kag ang iya mga sumulunod padayon nga nagapakig-away batok kay Jesus kag sa Iya mga sumulunod sa duta. Gintinguhaan nila nga intoon ang mga tawo nga indi magpati sa ebanghelyo sang Manluluwas. Madamo sing inaway, kalaglagan, kag balatian.

Bugna 6; 8–9; 12:17; 13:11–18; 17–18

Ang anghel nga si Moroni nga nagatuytoy kay Joseph Smith pakadto sa bulawan nga mga lamina.

Pero ang Amay nga Langitnon nagpadala sang mga anghel halin sa langit dala ang ebanghelyo ni Jesucristo, agud mapaambit ini sa tanan sa duta.

Bugna 14:6–7

Ang iban nga mga tawo nagatuo kay Jesus kag nagatuman sang Iya mga kasugoan, pareho sang ila ginhimo sa langit. Ang ila testimonya parte kay Jesus magabulig sa ila nga magdaug sa inaway batok kay Satanas.

Bugna 12:11; 19:8–10

Si Jesus nga nagapanaog halin sa langit, nga may mga anghel sa Iya likod.

Nakita ni Juan nga si Jesucristo magakari liwat sa duta. Mangin Hari Sia sang bug-os nga kalibutan. Wala na sing gahum si Satanas. Tungod kay Jesus, wala na sing kasubo ukon kasakit. Ang tanan nga mga tawo nga nagatuo kay Jesus kag nagatuman sang mga kasugtanan upod sa Iya magakabuhi upod sa Iya kag sa Amay nga Langitnon sa wala’y katapusan.

Bugna 19:11–16; 20:1–2; 21:1–7