Mateo 18:21–34
Ang Paanggid Parte sa Suluguon nga Indi Magpatawad
Nagatudlo si Jesus parte sa pagpatawad
Isa ka adlaw, namangkot si Pedro kay Jesus sang importante nga pamangkot. Gusto niya mahibal-an kon pila ka beses niya dapat patawaron ang mga tawo kon makasala sila. “Pito ka beses?” Pamangkot ni Pedro. Ginsabat ni Jesus ang pamangkot ni Pedro paagi sa pagsugid sang isa ka istorya ukon paanggid.
Mateo 18:15–21
Sa istorya, may isa ka hari nga madamo sang suluguon. Isa sang mga suluguon may utang sa hari nga napulo ka libo ka talanton (talents). Kadako kaayo sadto nga kwarta!
Mateo 18:23–24
Indi gid mabayran sang suluguon ang hari. Naghambal ang hari nga ibaligya niya ang suluguon kag ang iya pamilya para mabayaran ang utang.
Mateo 18:25
Sang mabatian ini sang suluguon, nagluhod sia. Nagpakitluoy sia sa hari nga hatagan sia sang isa pa ka tsansa. “Angan-angana ako,” siling niya, “kag bayaran ko ikaw sang tanan.”
Mateo 18:26
Naluoy ang hari sa suluguon. Nagdesisyon sia nga patawaron sia. Indi na kinahanglan sang suluguon nga bayaran ang kuwarta. Libre na sia!
Mateo 18:27
Dayon naglakat ang suluguon kag nakit-an ang tawo nga may gamay nga utang sa iya. Ginliab niya ang tawo kag nagsiling, “Bayari ko.”
Mateo 18:28
Nagluhod ang tawo. “Angan-angana ako,” siling niya, “kag bayaran ko ikaw sang tanan.” Pero ang suluguon wala nagpatawad sa iya. Ginpapriso niya ini.
Mateo 18:29–30
Sang nabal-an sang hari ang natabo, ginpatawag niya ang suluguon. Ginpadumdom sang hari ang iya suluguon nga ginpatawad sia gani sa dako kaayo nga utang. Ginhambalan niya ang iya suluguon nga dapat ginpatawad man niya ang tawo nga nakautang sa iya sang kuwarta.
Mateo 18:31–33
Kita tanan may utang nga indi man naton mabayaran. Ginpaathag ni Jesus kay Pedro nga ang Dios nagapatawad sa aton, gani dapat patawaron man naton ang iban. Kag indi kita dapat mag-untat hasta sa pito ka beses kundi dapat handa kita pirme sa pagpatawad.
Mateo 18:22, 34–35; tan-awa man sa Mateo 6:14; Doktrina kag mga Kasugtanan 64:9–10