Mga Sugilanon sa Balaan nga mga Kasulatan

Mga Anak sang Kasanag—Nagatuo kay Jesucristo samtang nagahulat kita sa Iya nga magkari liwat

1 kag 2 Mga Taga-Tesalonica

Mga Anak sang Kasanag

Nagatuo kay Jesucristo samtang nagahulat kita sa Iya nga magkari liwat

Si Pablo nga nagasulat sa mga tawo sang Tesalonica.

Ang mga Santos sang panahon ni Pablo nalipay sa adlaw nga si Jesucristo magakari liwat sa duta. Sa isa ka lugar nga ginatawag Tesalonica, ang kabuhi nangin mabudlay para sa mga Santos. Naghunahuna sila kon bala nagakahulugan ini nga si Jesus magakari na sa indi madugay. Nagsulat si Pablo para buligan sila.

1 Mga Taga-Tesalonica 4:16–18; 5:1–2; 2 Mga Taga-Tesalonica1:4

Si Pablo nagsiling nga wala sing nakahibalo kon san-o makari liwat si Jesus. Mangin makakilibot ini sa iban nga mga tawo, pareho sang pag-abot sang makawat sa kagab-ihon samtang nagakatulog sila.

1 Mga Taga-Tesalonica 5:2–3; 2 Mga Taga-Tesalonica 2:2

Malipayon nga pamilya nga ululupod pungko sa kasanag sing suga nga may lana.

Pero ginhambalan ni Pablo ang mga Santos nga wala sila sa kadulom. Tungod nagsunod sila kay Jesucristo, ang mga Santos mga anak sang kasanag!

1 Mga Taga-Tesalonica 5:4–5

Ang malipayon nga pamilya nga nagapakigbahin sang ebanghelyo sa isa pa ka pamilya.

Ginpaathag ni Pablo nga antes magkari liwat si Jesus, madamo nga tawo ang magatalikod sa kamatuoran. Gusto Niya nga ang mga Santos, ang mga anak sang kasanag, magpadayon sa pagsunod kay Jesus kag magpadayon sa pagpaabot sa Iya pagkari. Kon himuon naton ini, bisan ano pa ang nagakalatabo sa kalibutan, mangin handa kita sa pagbalik ni Jesus.

1 Mga Taga-Tesalonica 1:5; 2 Mga Taga-Tesalonica 2:3