Ginbunyagan si Jesus

Gintawag sang Dios si Juan para buligan ang mga tawo nga maghanda para sa pag-abot ni Jesucristo. Gintudloan ni Juan ang mga tawo nga maghinulsol kag magpabunyag. Juan Bautista ang tawag sang mga tawo sa iya.

Mateo 3:1–12

Mabaskog nga manunudlo si Juan. Madamo nga tawo ang nagkadto sa Iya para magpamati kag magpabunyag. Isa ka adlaw, nagkadto si Jesus para magpabunyag.

Mateo 3:5, 13

Nabal-an ni Juan nga pirme ginatuman ni Jesus ang Dios. Indi Niya kinahanglan maghinulsol. Para kay Juan indi niya kinahanglan bunyagan si Jesus. Para sa iya si Jesus gani ang dapat magbunyag sa iya!

Mateo 3:14

Siling ni Jesus nga kinahanglan man Niya nga bunyagan. Gusto Niya nga tumanon ang tanan nga kasuguan sang Iya Amay. Gusto man Niya magbutang sang ehemplo para sa aton. Ginbunyagan Sia ni Juan.

Mateo 3:13–15; 2 Nefi 31:5–7

Pagbutwa ni Jesus sa tubig, nagpanaog ang Balaan nga Espiritu sa Iya pareho sang pating. Naghambal ang Amay nga Langitnon halin sa langit nga nagasiling, “Ini ang akon hinigugma nga Anak.” Malipayon kaayo ang Amay nga Langitnon kay Jesus.

Mateo 3:16–17