Ginaayo ni Jesus ang Pulo ka Tawo nga May Aro

Ang importansya sang pagpasalamat

Nakita ni Jesus ang isa ka grupo sang mga lalaki nga nagamasakit.

Samtang nagalakat si Jesus, nagsulod Sia sa isa ka baryo kag nakita ang pulo ka lalaki nga may malala nga balatian sa panit nga ginatawag aro. Ang mga tawo nga may aro kinahanglan magpalayo sa tanan nga tawo, bisan pa sa ila mga pamilya, agud indi nila malatnan ang iban.

Lucas 17:11–12

Nagapangabay ang mga lalaki nga ayuhon sila ni Jesus.

Gintawag sang mga tawo si Jesus kag nagpangabay sa Iya nga ayuhon sila. Ginhambalan sila ni Jesus nga magkadto sa mga pari sa banwa. Ang mga pari lang gid ang makadesisyon kon pwede na sila makigsimpon liwat sa iban nga mga tawo.

Lucas 17:13–14; tan-awa man sa Levitico 14:2–3

Samtang nagapakadto ang masakiton nga mga lalaki para bisitahan ang mga pari, isa ka milagro ang natabo. Nadula ang ila masakit. Nag-ayo sila!

Lucas 17:14

Nagpasalamat ang isa sa mga lalaki sa Dios tungod nag-ayo sia.

Sang makita sang isa sa mga lalaki nga nag-ayo sia, nagbalik sia kag nagpasalamat sa Dios sa mabaskog nga tingug. Isa sia ka Samariahanon.

Lucas 17:15–16

Si Jesus nga nagapakighambal sa tawo parte sa pagtuo.

Ang tawo nagluhod sa tiilan ni Jesus para pasalamatan Sia sa Iya ginhimo. Namangkot si Jesus kon sa diin ang siyam ka iban nga nag-ayo. Isa lang ka lalaki ang nagbalik para magpasalamat sa Iya! Siling si Jesus sa lalaki, “Tindog, kag lakat ka: ang imo pagtuo nag-ayo sa imo.”

Lucas 17:16–19