Ang Paanggid Parte sa mga Trabahador sa Ulubasan

Si Jesus nag-istorya sa Iya mga disipulo sang isa ka paanggid ukon sugilanon agud buligan sila nga maintiendihan kon daw pareho sa ano ang ginharian sang langit. Sa paanggid, may isa ka tawo nga nagakinahanglan sang mga tawo nga magtrabaho sa iya ulubasan. Gani, temprano pa sang isa ka aga, nakakita sia sang mga trabahador nga nagpasugot nga magtrabaho sa bilog nga adlaw para sa isa ka sinsilyo [nga kuwarta]. Nagsugod sila sa pagtrabaho.

Mateo 20:1–2

Tatlo ka oras ang nagligad, ang tawo nagdugang pa gid sang mga trabahador. Ginpangabay niya sila nga mag-obra sa iya ulubasan sa bilog nga adlaw. Nagpromisa sia nga bayaran sila sing insakto.

Mateo 20:3–4

Tatlo ka oras pagkatapos sina, nakakita pa gid sia sang dugang nga mga tawo nga nagakinahanglan sang obra. Ginpangabay niya sila nga mag-obra man sa iya ulubasan.

Mateo 20:5

Sang ulihi, sang malapit na magsirom, nakakita ang tawo sang mga tawo nga wala sing ginahimo. Siling nila nga wala gid sang naghatag sa ila sing ulobrahon sa bilog nga adlaw. Nagsiling ang tawo nga pwede sila mag-obra sa kataposan nga oras sa iya ulubasan.

Mateo 20:6–7

Pagkahapon, ginbayaran sang tawo ang mga trabahador. Ginhatagan niya sing isa ka sinsilyo ang mga tawo nga nagtrabaho sing isa ka oras. Ginhatagan man niya sing tag-isaisa ka sinsilyo ang kada isa sang mga trabador. Ang mga tawo nga nag-obra sa bilog nga adlaw naakig. Sa pensar nila dapat mas dako ang ila makuha nga kuwarta sangsa iban.

Mateo 20:8–12

Ginpadumdom sang tawo ang mga trabahador nga nagsugot sila nga mag-obra sa bilog nga adlaw para sa isa ka sinsilyo. Nagsiling sia nga indi sila dapat maakig kon pilion niya nga mangin maayo sa iban nga mga trabahador sa iya ulubasan.

Mateo 20:13–16