Mga Sugilanon sa Balaan nga mga Kasulatan
Ginakomparar ni Pablo ang Aton mga Lawas sa Templo—Sagrado nga mga regalo halin sa Dios

1 Mga Taga-Corinto 6:16–20

Ginakomparar ni Pablo ang Aton mga Lawas sa Templo

Sagrado nga mga regalo halin sa Dios

Si Pablo nga nagatudlo sa mga tawo sa Corinto parte kay Jesus.

Ang Corinto isa ka dako nga siyudad malapit sa dagat. Ang siyudad may madamo nga tawo nga wala nagasimba sa Dios. Gintudloan ni Pablo ang mga tawo sa Corinto parte kay Jesus. Madamo nga tawo ang nagpati kag nagpabunyag.

Mga Binuhatan 18:8–11

Pila ka mga tawo nga wala nagasunod sa mga kasugoan.

Pagkatapos nga naghalin si Pablo, nabatian niya nga ang mga miyembro sang Simbahan may mga problema. Madamo nga tawo sa Corinto ang wala nagasunod sang mga kasugoan sang Dios kon paano tratohon ukon gamiton ang aton mga lawas.

1 Mga Taga-Corinto 6:13–18

Si Pablo nga nagahimo sang sulat para ipaathag nga ang aton mga lawas daw mga templo.

Si Pablo nagsulat sa ila. Siling Niya nga ang aton mga lawas daw templo sang Dios. Ginatahod naton ang templo tungod balay ini sang Dios. Dapat man naton tahuron ang aton lawas kay regalo ini halin sa Dios.

1 Mga Taga-Corinto 6:19–20

Isa ka pamilya nga ululupod.

Gusto sang Amay nga Langitnon nga pilion naton nga maghimo sang maayo nga mga butang sa aton mga lawas. Kon himuon naton ini, makaupod naton ang Balaan nga Espiritu.

1 Mga Taga-Corinto 6:19

Pamilya nga nagahambalanay parte sa Pagbayad-Sala ni Jesucristo. Si Pablo sa atubang.

Ginsiling ni Pablo nga si Jesucristo nagbayad sang bili para sa aton paagi sa Iya pag-antos. Ginapakita naton ang aton pagpalangga kay Jesus paagi sa paghimo sang maayo nga mga pagpili parte sa aton mga lawas kag pagtuman sang Iya mga kasugoan. Ginapakita naton sa Dios nga nagapasalamat kita sa manami nga regalo sang aton mga lawas paagi sa pagtratar sa mga ini nga daw templo.

1 Mga Taga-Corinto 6:20