Dali kag Tan-awa

Paghagad sang abyan nga sundon si Jesus

Si Felipe nga nagapamati kay Jesus samtang nagatudlo Sia sa mga tawo.

May tawo nga ginatawag Felipe nga isa sa mga sumulunod ni Jesus. Kabalo sia nga si Jesus ang Manluluwas. Gusto ni Felipe nga makabalo man parte kay Jesus ang iya amigo nga si Natanael.

Juan 1:43–45

Si Felipe nga nagapakighambal sa iya abyan nga si Natanael.

Kabalo si Natanael nga ginsiling sa balaan nga kasulatan nga magapadala ang Dios sang Manluluwas. Ginsugid ni Felipe sa iya nga nakita na niya ang Manluluwas—Jesus ang Iya ngalan, halin sa Nazaret.

Juan 1:45

Si Felipe nga ginahagad si Natanael nga magkadto kag tan-awon si Jesus.

Sang primero indi magpati si Natanael sa iya. Para sa iya ang Manluluwas indi halin sa Nazaret. “May maayo bala nga butang nga magagikan sa Nazaret?” pamangkot niya. Sabat ni Felipe, “Dali kag tan-awa.”

Juan 1:46

Nag-upod si Natanael kay Felipe para makilala si Jesus. Sang nakita sila ni Jesus nga nagapalapit, nagsiling Sia nga si Natanael maayo kag tampad nga tawo. Nakibot si Natanael . Wala pa sila magkilalahay ni Jesus sadto. Paano sia nakilala ni Jesus?

Juan 1:47–48

Ginsugiran ni Jesus si Natanael nga antes sia gin-istorya ni Felipe, nakita sia ni Jesus nga nagapungko sa idalom sang fig tree (puno sang higuera).

Juan 1:48

Si Natanael nga nagaluhod sa atubang ni Jesus.

Nahibal-an na ni Natanael nga si Jesus Anak sang Dios. Ginsugiran ni Jesus si Natanael nga makakita sia sang dalagko nga mga butang—pareho sang mga anghel nga nagagwa halin sa langit—tanan tungod sang iya pagtuo.

Juan 1:49–51