Gusto sang mga Tawo nga Silutan ang Babayi nga Nakasala

Temprano pa sang isa ka aga, si Jesucristo nagkadto sa templo sa Jerusalem. Madamo sang tawo ang nagtipon sa palibot Niya agud mamati sa Iya nga nagatudlo.

Juan 8:1–2

Samtang nagatudlo si Jesus, pila ka lider sang mga Judio ang nagdala sang isa ka babayi kay Jesus. Nadakpan sia nga naglapas sang isa sa mga kasuguan sang Dios. Suno sa layi, ang babayi dapat kuntani patyon sang mga tawo paagi sa pagbato sa iya.

Juan 8:3–5

Namangkot ang mga tawo kay Jesus kon ano ang matabo sa iya. Gintinguhaan nila nga dayaon si Jesus. Nahibal-an nila nga indi Sia gusto nga sakiton ang babayi. Pero kon magsiling si Jesus nga indi dapat silutan ang babayi, mahambal sila nga wala Sia nagasunod sang layi.

Juan 8:6

Pero wala sila ginsabat ni Jesus. Nagduko sia sa duta kag nagsulat. Namangkot liwat ang mga tawo sa Iya kon ano ang ila himuon.

Juan 8:6–7

Sang ulihi, si Jesus nagtindog kag nagtulok sa nagapalibot nga mga tawo. Siling Niya nga kon may isa sa ila nga wala gid nakasala, pwede sia maghaboy sang primero nga bato sa iya.

Juan 8:7

Dayon nagduko liwat si Jesus kag nagpadayon sa pagsulat sa duta. Ang tanan nga tawo nakahibalo nga may mga sala man sila. Isa-isa sila nga naglakat palayo.

Juan 8:8–9

Nagtulok si Jesus sa palibot kag ang babayi na lang ang Iya nakita nga nagatindog didto. Ginpamangkot Niya sia kon diin nagkadto ang tanan nga mga tawo nga luyag magsilut sa iya. Nagsabat sia nga naglakat sila tanan. Si Jesus nagsiling sa babayi, “Lakat ka, pero indi ka na magpakasala liwat” Sugod sadto, ang babayi nagpati kay Jesus.

Juan 8:9–11; Joseph Smith Translation, Juan 8:11; sa Juan 8:11, footnote c.