Mga Taga-Efeso 6:11–17
Ang Bug-os nga Hinganib sang Dios
Ang magpabilin nga luwas sa espirituhanon
Si Pablo nagtudlo sa mga Santos sa Efeso nga kita tanan ara sa isa ka espirituhanon nga pagpakig-away batok sa kalainan. Pareho sang mga soldado nga nagasuksok sang hinganib agud indi maano ang ila lawas, mahimo man naton isuksok ang espirituhanon nga hinganib sang Dios agud indi maano ang aton mga espiritu.
Mga Taga-Efeso 6:11–13
Ginpaanggid ni Pablo ang hinganib sang soldado sa mga butang nga nagaprotekta sa aton sa espirituhanon. Halimbawa, nagsiling sia nga ang kamatuoran kaangay sang wagkos ukon paha sa aton hawak.
Mga Taga-Efeso 6:14
Dason, nagsiling si Pablo nga ang pagkamatarong daw pareho sang taming nga nagaprotekta sa aton tagipusuon.
Mga Taga-Efeso 6:14
Ang ebanghelyo sang paghidaet ni Jesucristo daw pareho sang sapatos nga aton ginasuksok sa pagprotekta sang aton mga tiil.
Mga Taga-Efeso 6:15
Ang aton pagtuo kay Jesucristo daw pareho sang taming nga nagaprotekta sa aton batok kay Satanas, pareho sang taming nga nagaprotekta sa mga soldado batok sa mga pana sang ila mga kaaway.
Mga Taga-Efeso 6:16
Siling ni Pablo nga ang kaluwasan daw pareho sang panaming sa ulo nga nagaprotekta sang aton ulo kag hunahuna.
Mga Taga-Efeso 6:17
Sa katapusan, siling ni Pablo nga ang Espiritu kag ang pulong sang Dios daw pareho sang espada.
Mga Taga-Efeso 6:17
Kon isuksok naton ang kada parte sang hinganib sang Dios, makatindog kita sing maisog batok sa mga kabutigan kag mga pagsulay sang yawa. Ginhatag sa aton sang Dios ini nga hinganib agud buligan kita nga maamligan ang aton mga espiritu nga luwas kag mabakod.
Mga Taga-Efeso 6:11–13