Mga Sugilanon sa Balaan nga mga Kasulatan

Gin-ayo ni Jesus ang Isa ka Babayi sa Adlaw nga Inugpahuway—Paghimo sang kaayuhan sa balaan Niya nga adlaw

Mateo 12:1–12; Lucas 13:10–17

Gin-ayo ni Jesus ang Isa ka Babayi sa Adlaw nga Inugpahuway

Paghimo sang kaayuhan sa balaan Niya nga adlaw

Si Jesus kag ang Iya mga disipulo nga nagalakat sa talamnan.

Nagalakat si Jesus kag ang Iya mga disipulo sa tunga sang talamnan sang trigo sa Adlaw nga Inugpahuway. Gingutom na sila, gani nanguha sila sang trigo kag ginkaon. May mga lider sang Judio nga ginatawag mga Fariseo nga nakakita sa ila. Naghimo ang mga Fariseo sang madamo nga mga patakaran parte sa Adlaw nga Inugpahuway. Ang pagpanguha sang trigo bawal sa ila patakaran.

Mateo 12:1–2

Ginpamangkot sang mga Fariseo si Jesus kon ngaa wala Niya ginatahod ang Adlaw nga Inugpahuway.

Ginpamangkot sang mga Fariseo si Jesus kon ngaa wala ginatahod sang Iya mga disipulo ang Adlaw nga Inugpahuway. Nagsabat si Jesus nga wala sila sang ginhimo nga sala. Ginhatagan kita sang Dios sang Adlaw nga Inugpahuway para bugayan kita, indi para pabudlayon ang aton kabuhi.

Mateo 12:2–8; Marcos 2:27

May natalupangdan si Jesus nga babayi samtang nagatudlo sa sinagoga.

Sang ulihi, nagatudlo si Jesus sa sinagoga sang Adlaw nga Inugpahuway. May natalupangdan si Jesus nga babayi didto. Indi sia makatindog sing tadlong. Amo na ini ang iya problema sa sulod sang 18 ka tuig.

Lucas 13:10–12

Ginpangabay ni Jesus ang babayi nga magpalapit sa Iya. Gintungtong Niya ang Iya mga kamot sa iya ulo para bendisyunan sia.

Lucas 13:12–13

Insigida, nagtindog sing tadlong ang babayi. Nangakig ang lider sang sinagoga tungod nagpang-ayo si Jesus sa Adlaw nga Inugpahuway.

Lucas 13:13–14

Ginpaathag ni Jesus kon ngaa nagapang-ayo Sia sa Adlaw nga Inugpahuway.

Siling ni Jesus husto nga buluhaton ang pagbulig sining babayi. Husto ang maghimo sang maayo sa Adlaw nga Inugpahuway. Nahuya ang lider, kag nagsinadya ang mga tawo sa sinagoga tungod nag-ayo ang babayi.

Lucas 13:15–17; tan-awa man sa Lucas 6:9