Gin-ayo ni Jesus ang Tawo nga Indi Makalakat

Pisikal kag espiritwal nga pag-ayo

Si Jesus nga nagatudlo sa balay nga puno sang tawo.

Madamo nga tawo ang gusto mamati kay Jesus nga nagatudlo. Isa ka adlaw nagatudlo Sia sa balay nga puno sang tawo.

Marcos 2:1–2

Mga tawo nga nagakarga sang tawo para ayuhon ni Jesus.

Apat ka tawo ang nagsulod sa balay nga may dala nga abyan nga indi makalakat. Kinahanglan nga kargahon nila sia sa hiligdaan. Gusto nila nga dalhon ang ila amigo kay Jesus, pero puno kaayo ang balay, gani indi sila makasulod.

Marcos 2:3–4

Mga tawo nga ginatunton ang tawo papanaog sa balay.

Gani ginkarga nila ang ila amigo sa atop sang balay. Ginkakas nila ang isa ka parte sang atop kag ginpapanaog ang ila abyan kag ang hiligdaan niya sa balay, sa tunga sang kadam-an, sa atubang ni Jesus.

Marcos 2:4

Sang makita ni Jesus ang ila pagtuo, siling Niya sa tawo nga indi makalakat, “Anak ko, napatawad na ang imo mga sala.”

Marcos 2:5

Pila sa mga lider nga Judio ang nangakig.

Pila sa mga lider nga Judio, pagkabati nila sini, nangakig. Ginapamensar nila nga ang Dios lang gid ang makapatawad sang mga sala.

Marcos 2:6–7

Kabalo si Jesus kon ano ang ila ginapamensar. Para buligan sila nga maintiendihan nga may gahum Sia sa pagpatawad sang mga sala, naghimo Sia sang milagro. Ginhambalan Niya ang tawo nga indi makalakat, “Bangon ka, dalha ang imo higdaan kag magpauli.” Nagtindog ang tawo kag naglakat! Nagdayaw ang tanan kag naghatag sang pagpasalamat sa Dios.

Marcos 2:8–12