Parte sa Bag-ong Katipan

Ang Biblia may duha ka parte: ang Daan nga Katipan kag ang Bag-ong Katipan. Ang Daan nga Katipan may mga sinulatan sang mga propeta sang una nga panahon. Ginsulat sang iban sining mga propeta nga nagpromisa ang Dios nga magpadala Sia sang Manluluwas. Sia ang mangin Anak sang Dios kag luwason kita sa sala kag kamatayon para makaestar kita liwat upod sa Dios.

Isaias 53:3–5; Jacob 7:11; Moises 4

Ang Bag-ong Katipan naga-istorya sa aton kon paano natuman ining promisa. Ginaistorya sini ang parte sa pagkatawo ni Jesucristo, ang Anak sang Dios.

Lucas 2:4–7

Nagaistorya man ang Bag-ong Katipan parte sa kabuhi ni Jesus. Nagkabuhi Sia upod sa mga Judio kag gintudloan kita kon paano magpangabuhi para makabalik kita sa Amay nga Langitnon pila ka adlaw.

Mateo 5:1–2

Ginbugayan kag ginserbisyohan ni Jesus ang mga tawo. Naghimo Sia sang madamo nga milagro para sa ila, pareho sang pagpang-ayo sang mga tawo nga nagamasakit kag pagpangbanhaw sang mga tawo nga napatay.

Mateo 4:23

Nagpili si Jesus sang dose sa Iya mga sumulunod para mangin mga Apostoles. Ginhatagan Niya sila sang awtoridad para pangunahan ang Iya Simbahan.

Lucas 9:1–2

Tungod palangga Niya kita, gindala ni Jesucristo sa Iya Kaugalingon ang aton kasakit, kasubo, kag sala. Napatay Sia para sa aton. Dayon, pagligad sang tatlo ka adlaw, nalampuwasan Niya ang kamatayon kag nabanhaw! Buhi si Jesucristo kag tungod sa Iya, pwede kita makahinulsol sang aton mga sala kag mabuhi liwat pagkatapos naton nga mapatay.

Alma 7:11–13

Ang mga tawo nga nakakilala kag nagpalangga kay Jesus ang nagsulat sini tanan. Nagpadala ang Iya mga Apostoles sang mga sulat para buligan ang mga miyembro sang Simbahan nga patubuon ang ila pagtuo kay Jesucristo. Ang mga ginsulat nila gintipigan sa sulod sang madamo kaayo nga tinuig. Karon mabasa mo na sila sa Bag-ong Katipan kag matun-an mo kon paano sundon si Jesucristo.

Lucas 1:1–4