Mga Sugilanon sa Balaan nga mga Kasulatan
Ginpakalma ni Jesus ang Bagyo—Bisan ang hangin kag dagat nagatuman sa Iya

Mateo 8:23–27; Marcos 4:36–41

Ginpakalma ni Jesus ang Bagyo

Bisan ang hangin kag dagat nagatuman sa Iya

Si Jesus kag ang Iya mga disipulo sa baruto.

Isa ka adlaw, nagabiyahe si Jesus kag ang Iya mga disipulo sa baruto sa Dagat sang Galilea. Nagsugod nga magmadlos ang hangin. Ginhampas-hampas sang mga balod ang baruto, kag nagsulod ang tubig. Pero, si Jesus, mahamuok ang katulugon.

Mateo 8:23–24

Ginpukaw sang mga disipulo si Jesus.

Ginhadlukan ang mga disipulo. Ginpukaw nila si Jesus. “Ginuo, luwasa kami,” singgit nila. Ginapamensar nila nga malunod sila sa dagat.

Mateo 8:25

Ginsugo ni Jesus ang dagat nga magkanay.

“Ngaa bala nagakahadlok gid kamo?” Pamangkot ni Jesus. Ginhambalan Niya ang mga disipulo nga kinahanglan nila sang dugang nga pagtuo. Dayon nagtindog Sia kag nagsiling sa hangin kag mga balod, “Maglinong, magpuas.”

Mateo 8:26; Marcos 4:39

Natingala ang mga disipulo kon paano ni Jesus napakalma ang bagyo.

Gulpi lang nag-untat ang bagyo, kag nagkalma ang dagat. Si Jesus kag ang Iya mga disipulo hilway na sa katalagman. Nakadayaw gid ang mga disipulo ni Jesus. Naglibog ang ila ulo kon ano nga klase sang tawo ang makasugo sa hangin kag dagat, kag nagapati ini sa Iya!

Mateo 8:26–27