Mga Sugilanon sa Balaan nga mga Kasulatan

Ginpaayo ni Jesus ang Suluguon sang Kapitan—Ang Romano nga lider nagpakita sang dako nga pagtuo

Lucas 7:1–10

Ginpaayo ni Jesus ang Suluguon sang Kapitan

Ang Romano nga lider nagpakita sang dako nga pagtuo

May kapitan nga nagaestar sa Capernaum, ang banwa kon diin kasami si Jesus nagatudlo. Sia ang lider sang dako nga grupo sang mga soldado.

Lucas 7:1–2

Nagmasakit sang malubha ang suluguon sang kapitan.

Ang kapitan may suluguon nga espeyal gid para sa iya. Nagmasakit ang suluguon kag daw mapatay na.

Lucas 7:2

Ginpangabay sang kapitan ang pila ka lider sang mga Judio para pangitaon si Jesus.

Bisan pa nga indi Judio ang kapitan, nabatian na niya ang parte kay Jesus. Nagapati sia nga may gahum si Jesus para maghimo sang dalagko nga mga milagro. Nagpadala Sia sang pila ka mga lider sang Judio para pangabayon si Jesus nga magkari kag paayuhon ang iya suluguon.

Lucas 7:3–4

Pila ka mga tawo ang naghambal kay Jesus nga indi magkadto sa balay sang kapitan.

Ginhambalan sang mga lider si Jesus parte sa kapitan kag sa iya suluguon. Siling nila nga mabuot ining kapitan sa mga Judio. Nagsugod si Jesus sa paglakat padulong sa balay sang kapitan. Pero antes pa Sia makalab-ot didto, ginpunggan si Jesus sang iban nga mga abyan sang kapitan. Ginhambalan nila Sia nga indi magsulod sa balay.

Lucas 7:4–6

Ginhambalan sang mga tawo si Jesus nga pamatyag sang kapitan indi sia nagakaangay.

Siling sang mga abyan nga pamatyag sang kapitan indi sia nagakaangay nga magsulod si Jesus sa iya balay. Nagapati sia nga mapaayo ni Jesus ang iya suluguon bisan sa malayo!

Lucas 7:6–8

Siling ni Jesus nga dako ang pagtuo sang kapitan.

Nakadayaw si Jesus sa pagtuo sang kapitan. Siling Niya nga wala pa Sia makakita sang amo sina kadako nga pagtuo.

Lucas 7:9

Sang magbalik ang mga abyan sang kapitan sa iya balay, nag-ayo na gid ang suluguon. Ginpaayo sia ni Jesus, pareho sang pagpati sang kapitan nga mahimo Niya.

Lucas 7:10