Mga Sugilanon sa Balaan nga mga Kasulatan

Ginahatagan ni Jesus ang Iya mga Apostoles sang mga Yabi sang Priesthood—“Sa sini nga bato pagatukoron ko ang akon iglesia”

Mateo 16–17

Ginahatagan ni Jesus ang Iya mga Apostoles sang mga Yabi sang Priesthood

“Sa sini nga bato pagatukoron ko ang akon iglesia”

Si Jesus nga nagapakigsugilanon sa Iya mga disipulo.

Isa ka adlaw, ginpamangkot ni Jesus ang Iya mga disipulo kon sin-o Sia sa hunahuna sang mga tawo. Nagsabat ang Iya mga disipulo nga siling sang iban Sia si Juan Bautista. Ang iban abi nila Sia ang propeta halin sa Daan nga Katipan nga nagbalik.

Mateo 16:13–14

Dayon ginpamangkot ni Jesus ang Iya mga disipulo kon sin-o Sia sa ila hunahuna. Siling ni Pedro, “Ikaw ang Cristo, ang Anak sang Dios nga buhi.”

Mateo 16:15–16

Si Jesus nga nagapakigsugulanon kay Pedro.

Nalipay si Jesus nga mabatian nga ginhambal ini ni Pedro. Ginsilingan niya si Pedro nga wala niya natun-an kon sin-o si Jesus halin sa iban nga mga tawo. Ginpahayag ini sang Amay nga Langitnon sa iya.

Mateo 16:17

Ginapromisa ni Jesus nga hatagan si Pedro sang mga yabi sang priesthood.

Ginsingganan ni Jesus si Pedro, “Sa sini nga bato pagatukoron ko ang akon iglesia.” Dayon ginpromisa Niya nga hatagan si Pedro sang mga yabi sang priesthood, ukon awtoridad halin sa Dios, agud sia kag ang iban pa nga mga apostoles makapanguna sang Iya Simbahan sa duta.

Mateo 16:18–19

Ginadala ni Jesus sanday Pedro, Santiago, kag Juan sa bukid.

Pila ka adlaw ang nagligad, gindala ni Jesus sanday Pedro, Santiago, kag Juan pataklad sa mataas nga bukid agud mangamuyo.

Mateo 17:1; Lucas 9:28

Samtang si Jesus nagpangamuyo, ang Iya nawong nagsilak pareho sang adlaw. Bisan ang Iya bayo masilaw tulokon.

Mateo 17:2; Lucas 9:29

Duha ka propeta sa Daan nga Katipan, sanday Moises kag Elias, nagpakita. Nakigsugilanon sila kay Jesus parte sa Iya kamatayon kag Pagkabanhaw, nga matabo sa indi madugay sa Jerusalem. Siling ni Pedro kay Jesus, “Ginuo, maayo nga magpabilin kita diri.”

Mateo 17:3–4; Lucas 9:30–33 (tan-awa sa Joseph Smith Translation sa footnote 31a)

Nabatian ni Jesus kag sang iban nga tawo ang tingog sang Dios.

Samtang nagahambal si Pedro, isa ka masanag nga panganod ang nagpalibot sa ila. Nabatian nila ang tingog sang Dios nga nagasiling, “Ini hinigugma kong Anak, nga sa iya nahamuot ako, pamati kamo sa Iya.” Ginkulbaan sanday Pedro, Santiago, kag Juan kag natumba sila sa duta.

Mateo 17:5–6

Ginhambalan ni Jesus sanday Pedro, Santiago, kag Juan nga indi mahadlok.

Gintandog ni Jesus ang Iya mga apostoles kag nagsiling, “Tindog kamo kag indi magkahadlok.” Nagtangla sila. Wala na sanday Moises kay Elias. Sa sining bukid, nabaton nanday Pedro, Santiago, kag Juan ang mga yabi sang priesthood nga ginpromisa ni Jesus sa ila.

Mateo 17:7–9; tan-awa man sa Doktrina kag mga Kasugtanan 27:12–13