Ginpatawad ni Jesus ang Babayi

“Naghigugma sia sing dako”

Gin-imbitar ni Simon si Jesus sa iya balay.

May tawo nga ginatawag Simon nga naghagad kay Jesus sa ila balay kag magkaon upod sa iya. Si Simon isa sa grupo sang mga lider nga ginatawag mga Fariseo.

Lucas 7:36

Babayi nga nagkadto para makita si Jesus.

Samtang nagakaon sila, may babayi nga nagkadto sa balay ni Simon. Nabalitaan niya nga ato si Jesus didto. Gusto niya ipakita ang iya pagpasalamat kag pagpalangga sa Iya.

Lucas 7:37

Ginhugasan sang babayi ang mga tiil ni Jesus.

Naghibi ang babayi sang makita niya si Jesus. Ginhugasan sang iya mga luha ang Iya mga tiil. Dayon ginpamala niya ang Iya tiil gamit ang iya buhok. Ginhalukan niya ang Iya mga tiil kag ginbutangan sang hamot nga lana.

Lucas 7:38

Nangakig si Simon nga nagapakighambal ang babayi kay Jesus.

Kabalo si Simon nga nakahimo sang madamo nga sala ining babayi. Sa iya pensar nga kon matuod nga tinawo sang Dios si Jesus, mabal-an Niya nga makasasala ining babayi, kag indi Niya pagpasugtan nga tandugon Sia sini.

Lucas 7:39

Si Jesus nga nagapaathag kon ngaa ginhugasan sang babayi ang Iya mga tiil.

Kabalo si Jesus kon ano ang ginapamensar ni Simon. Ginsilingan Niya si Simon nga ginhugasan sang babayi ang Iya mga tiil tungod palangga niya Sia. Kasami, ang mga bisita ginahatagan sang tubig para hugasan ang ila mga tiil. Wala si Simon maghimo sang pareho sini nga butang para ipakita ang pagpalangga kay Jesus.

Lucas 7:40–47

Ginhambalan ni Jesus ang babayi nga maglakat sa paghidaet.

Ginhambalan ni Jesus ang babayi nga ginpatawad na sia sang iya mga sala tungod palangga niya Sia kag may pagtuo sa Iya. Ginhambalan Niya sia nga makalakat na sia sa paghidaet.

Lucas 7:47–50