Si Simon kag ang Gahum sang Dios

Pagtuon parte sa priesthood sang Dios

Si Simon nga nagatan-aw sang Apostoles nga nagaayo sing isa ka tawo.

Isa ka tawo nga ang ngalan Simon ang nagaestar sa Samaria. Sang mabatian niya ang ebanghelyo ni Jesucristo, nagpati sia. Nahalawhaw man sia sa mga milagro nga ginhimo sang mga disipulo ni Jesus paagi sa gahum sang Dios. Ginbunyagan si Simon, kag amo man ang madamo pa nga iban nga mga lalaki kag babayi sa Samaria.

Mga Binuhatan 8:5–13

Si Pedro kag Juan nga nagapatong sang ila mga kamot sa ulo sang isa ka tawo.

Nabatian sang mga Apostoles sa Jerusalem nga ang katawhan sa Samaria nagapabunyag. Nagkadto si Pedro kag Juan sa Samaria. Gamit ang gahum sang Dios, ang priesthood, gintakdong nila ang ila mga kamot sa ulo sang mga tawo nga ginbunyagan kag ginhatagan sila sang dulot sang Balaan nga Espiritu.

Mga Binuhatan 8:14–17

Nagtanyag si Simon sang kuwarta para baklon ang priesthood sang Dios.

Sang makita ni Simon si Pedro kag Juan nga ginahimo ini, gintanyagan niya sila sang kuwarta kag nagsiling, “Ihatag man ini nga gahum sa akon.” Gusto niya nga baklon ang priesthood sang Dios para nga makahatag man sia sang dulot sang Balaan nga Espiritu.

Mga Binuhatan 8:18–19

Gintudloan ni Pedro si Simon parte sa priesthood.

Ginpaathag ni Pedro nga wala sang makabakal sang gahum sang Dios. Isa ini ka dulot halin sa Iya. Ginhambalan ni Pedro si Simon nga kinahanglan nga magbag-o ang iya tagipusuon. Gin-agda niya si Simon nga maghinulsol kag magpangamuyo sa Dios para sa kapatawaran.

Mga Binuhatan 8:20–23

Nangayo si Simon sang patawad kay Pedro.

Naghinulsol si Simon. Ginpangabay niya si Pedro nga ipangamuyo sia para buligan sia nga magbag-o.

Mga Binuhatan 8:24