Si Jesus Ang Maayong Manugbantay

Ginhambalan ni Jesus ang mga tawo sa Jerusalem nga pareho Sia sa maayo nga manugbantay. Ang iya mga disipulo, ukon mga sumulunod, daw pareho sa Iya mga karnero. Palangga sang maayo nga manugbantay ang iya mga karnero. Kilala niya ang ngalan sang kada isa.

Juan 10:3, 14; tan-awa man sa Helaman 15:13

Kilala sang mga karnero ang tingug sang maayo nga manugbantay. Kon tawgon niya sila, nagapamati sila kag nagasunod.

Juan 10:4, 27

Ginaatipan sang maayo nga manugbantay ang iya mga karnero. Ginadala niya sila sa maayo nga halalban, pareho kay Jesucristo nga ginadala kita sa kabuhi nga wala katapusan.

Juan 10:9–10, 28

Kon may iban nga ginbayaran para mag-atipan sa mga karnero, wala sila nagasunod sa iya, kay indi nila kilala ang iya tingug. Kon mag-abot ang katalagman, ang ginbayaran nga manugbantay nagapalagyo. Wala sia nagaulikid sa mga karnero pareho sang maayo nga manugbantay.

Juan 10:5, 12–13

Ang maayo nga manugbantay wala nagapalagyo kon may katalagman. Nagatiner Sia para protektahan ang Iya mga karnero. Handa pa gani sia nga ihatag ang iya kabuhi para sa ila, pareho nga ginhatag ni Jesucristo sang Iya kabuhi para sa aton para makaangkon kita sang kabuhi nga wala katapusan.

Juan 10:11, 17–18

Ginhambalan ni Jesus ang mga tawo sa Jerusalem nga may iban pa Sia nga mga karnero nga nagaestar sa iban nga mga lugar. Siling Niya nga bisitahan man Niya sila, kag pamatian nila ang Iya mga pinanudlo. Ang Libro ni Mormon nagaistorya parte kay Jesus nga nagabisita sang iban pa Niya nga mga karnero sa kadutaan sang Amerika.

Juan 10:16; 3 Nefi 15:11–24