Mga Sugilanon sa Balaan nga mga Kasulatan

Si Esteban Nagapamatuod kay Jesucristo—Maisog nga alagad nga naghalad sang iya kabuhi para sa iya testimonya

Mga Binuhatan 6–7

Si Esteban Nagapamatuod kay Jesucristo

Maisog nga alagad nga naghalad sang iya kabuhi para sa iya testimonya

Duha ka Apostoles upod ang mga miyembro sang Simbahan ni Jesus.

Madasig nga nagdako ang Simbahan. Nagaamat budlay para sa mga Apostoles nga atipanon ang tanan nga mga miyembro.

Mga Binuhatan 6:1–2

Ginahatagan sang isa ka Apostoles si Esteban sang bendisyon sang priesthood.

Nagdesisyon ang mga Apostoles nga magtawag sang pito ka lalaki nga pwede magbulig. Ginpangabay nila ang mga miyembro nga magpangita sang mga lalaki nga maalam kag puno sang Balaan nga Espiritu.

Mga Binuhatan 6:3

Isa sa mga tawo nga ginpili nila amo si Esteban. Ginhatagan sia sang mga Apostoles sang bendisyon. Si Esteban dako kaayo ang pagtuo kag naghimo sang dalagko nga mga milagro sa tunga sang katawhan.

Mga Binuhatan 6:5–8

Si Esteban nga nagapakighambal sa mataas nga pari kag sa iban nga mga lider.

Nagtudlo si Esteban parte kay Jesucristo nga may kaalam kag upod ang Espiritu. Pero ang mga lider sing isa ka sinagoga waay nanamian sang iya ginatudlo. Siling nila nagahambal sia sang kontra kay Moises kag kontra sa Dios. Gindala nila si Esteban sa atubang sang mataas nga pari kag sa iban nga mga lider.

Mga Binuhatan 6:9–15; 7:1

Si Esteban nga nagatudlo sa mga lider parte kay Jesus.

Ang hitsura ni Esteban daw hitsura sang anghel. Ginpadumdum niya ang mga lider nga ginpadala si Moises sang Dios para luwason ang mga Israelnon, pero wala nila pirme ginasunod si Moises. Ginhambal ni Esteban nga si Moises daw pareho kay Jesucristo. Ginpadala sang Dios si Jesus para luwason ang Iya katawhan, pero wala Sia ginasunod sang mga lider. Nangakig ang mga lider kay Esteban.

Mga Binuhatan 7:20–43, 51–54

Si Esteban may panan-awon sang Amay nga Langitnon kag ni Jesucristo.

Samtang puno sang Balaan nga Espiritu, nagtulok si Esteban sa langit. Nakita niya si Jesucristo sa tupad sang Amay nga Langitnon.

Mga Binuhatan 7:55–56

Sang ginhambal ni Esteban sa mga lider ang iya nakita, mas nangakig na gid sila. Nagsinggit sila sa kaakig kag gindakop si Esteban. Dayon ginsagnoy nila sia pagwa sa siyudad.

Mga Binuhatan 7:57

Si Saul nga nagatan-aw sang kamatayon ni Esteban.

Ginlatag nila ang ila mga kunop sa tiilan sing isa ka tawo nga ang ngalan Saul. Dayon ginbato nila si Esteban para mapatay. Sugot si Saul sa ila ginahimo. Nagpangamuyo si Esteban. Ginpangayo niya sa Ginuo nga patawaron ang mga tawo nga nagasakit sa iya. Ginpangayo man niya sa Ginuo nga batonon ang iya espiritu sa langit.

Mga Binuhatan 7:59–60; 8:1