Mga Sugilanon sa Balaan nga mga Kasulatan

Ginbisitahan sang mga Anghel si Maria kag Jose—Ginpili nga mag-atipan sa Anak sang Dios

Mateo 1; Lucas 1

Ginbisitahan sang mga Anghel si Maria kag Jose

Ginpili nga mag-atipan sa Anak sang Dios

May babayi nga gintawag Maria nga nagaestar sa banwa sang Nazaret. Palangga niya ang Dios kag ginatuman niya ang Iya mga kasuguan. Kalaslon si Maria sa lalaki nga gintawag Jose, nga nagapalangga man sa Dios.

Mateo 1:18–19; Lucas 1:26–28

Si anghel Gabriel nga nagabisita kay Maria.

Isa ka adlaw, ginbisitahan sang anghel nga gintawag Gabriel si Maria. Sang primero, nakulbaan si Maria. Pero siling ni Gabriel nga ginpadala sia sang Dios. Indi kinahanglan ni Maria nga makulbaan. Siling niya nga espesyal kaayo si Maria sa Dios kag pila ka adlaw magabata sia. Ang bata ni Maria amo ang Anak sang Dios, si Jesus.

Lucas 1:26–33

Ang anghel nga nagahambal kay Maria nga magabata sia.

Pero naglibog ang ulo ni Maria. Wala pa sia makasal kay Jose. Paano sia magbata? Ginpaathag ni Gabriel nga matabo ini paagi sa gahum sang Dios. Siling niya sa iya, “Sa Dios wala sang butang nga indi mahimo.”

Lucas 1:34–37

Si Maria nga nagahambal sa anghel nga handa sia nga mangin iloy sang Anak sang Dios.

Mapainubuson kag matinuohon si Maria. Ginhambalan niya si Gabriel nga alagad sia sang Ginuo. Handa sia nga mangin iloy sang Anak sang Dios.

Lucas 1:38

Si Jose nga nakabalo nga mabata si Maria.

Sang mabal-an ni Jose mga mabata si Maria, ginbudlayan sia. Namangkot sia kon dapat pa niya pakaslan si Maria.

Mateo 1:19

Pero isa ka gab-i sa damgo, ginbisitahan sang anghel si Jose. Ginhambalan sang anghel si Jose nga ang bata ni Maria amo ang Anak sang Dios kag dapat ngalanan Sia ni Jose nga Jesus. Si Jesus ang magaluwas sang tanan nga katawhan sa ila mga sala. Siling sang anghel kay Jose nga dapat niya gihapon pakaslan si Maria.

Mateo 1:20–23

Ginhimo ni Jose ang ginhambal sang anghel. Nagpakasal si Jose kag Maria.

Mateo 1:24

Si Maria nga ginabisitahan ang iya pakaisa nga si Elisabet.

Ginbisitahan ni Maria ang iya pakaisa nga si Elisabet. Ginsugiran sang anghel si Maria nga nagabusong man si Elisabet, bisan pa nga tigulang na sia kaayo. Isa pa gid ini ka milagro halin sa Dios. Magadako ang iya bata nga mangin si Juan Bautista. Sang magsulod si Maria sa balay, ginbugno sia ni Elisabet.

Lucas 1:13–17, 36, 39–40

Si Elisabet kag Maria nga nagapangalipay.

Sang mabatian ni Elisabet si Maria, naglukso ang bata ni Elisabet sa iya tiyan sa kalipay. Napuno si Elisabet sang Balaan nga Espiritu. Nahibal-an niya nga ginadala ni Maria ang Anak sang Dios. Nagpangalipay si Maria upod kay Elisabet. Gindayaw niya ang Dios sa tanan nga matahum nga butang nga Iya ginhimo para bugayan ang Iya mga anak.

Lucas 1:41–55