Si Jesus, isa ka Babayi, kag isa ka Bubon

Pagtudlo parte sa buhi nga tubig

Si Jesucristo nga nagpundo sa bubon para magkuha sang tubig.

Naglabay si Jesus kag ang Iya mga disipulo sa Samaria pakadto sa Galilea. Nagpundo sila para magkuha sang tubig sa bubon. Samtang nagapahuway si Jesus didto, naglakat ang Iya mga disipulo para magbakal sang pagkaon.

Juan 4:3–8

Si Jesus nga nagapangayo sa babayi sa bubon sang mainom.

Isa ka babayi halin sa Samaria ang nagkadto sa bubon para magpanag-ob. Nangayo si Jesus sa iya sang mainom. Nakibot ang babayi. Isa ka Judio si Jesus, kag kalabanan sang mga Judio wala nagaistorya sa mga Samariahanon.

Juan 4:7–9

Si Jesus nga nagatudlo sa babayi parte sa ebanghelyo.

Ginhambalan sia ni Jesus nga ang mga tawo nga nagainom sang tubig sa bubon uhawon liwat. Pero Sia makahatag sa iya sang “buhi nga tubig” sang wala katapusan nga kabuhi, kag indi na sia pag-uhawon liwat. Siling sang babayi nga gusto niya sining “buhi nga tubig.”

Juan 4:10–14

Si Jesus nga ginahambalan ang babayi nga tawgon ang iya bana.

Ginhambalan sia ni Jesus nga tawgon ang iya bana. “Wala ako sing bana,” siling niya. Siling ni Jesus nga may lima sia ka bana, kag ang lalaki nga upod niya indi niya bana.

Juan 4:16–18

Si Jesus nga ginahambalan ang babayi nga Sia ang Manluluwas.

Nakibot ang babayi nga nabal-an ni Jesus ining mga butang parte sa iya. Siling niya nga kabalo sia nga manug-abot ang Manluluwas. Ginhambalan sia ni Jesus nga Sia ang Manluluwas.

Juan 4:19, 25–26

Si Jesus nga nagatudlo sa mas madamo nga tawo sa may bubon.

Ginbilin sang babayi ang iya suludlan sang tubig kag nagkadto sa siyudad. Ginsugiran niya ang madamo nga tawo nga nakita na niya ang Manluluwas. Ginhagad niya sila nga magkadto kag magpamati sa Iya nga nagatudlo. Tungod sining babayi, madamo nga Samariahanon ang nagpati kay Jesucristo.

Juan 4:28–29, 39–42