Mga Sugilanon sa Balaan nga mga Kasulatan

Si Tabita, Babayi nga “Puno sang Maayong mga Buhat”—Ginbanhaw paagi sa gahum ni Jesucristo

Mga Binuhatan 9:36–42

Si Tabita, Babayi nga “Puno sang Maayong mga Buhat”

Ginbanhaw paagi sa gahum ni Jesucristo

Si Tabita isa ka matutum nga disipulo ni Jesucristo. Nagaestar sia sa banwa malapit sa dagat, nga ginatawag nga Jope. Nanamian sia magserbisyo kag magbulig sa mga tawo nga pigado.

Mga Binuhatan 9:36

Nagahatag si Tabita sang mga bayo sa mga tawo nga nagakinahanglan.

Nagahimo si Tabita sang mga bayo kag ginapanghatag ini sa mga babayi nga nagakinahanglan. Palangga nila si Tabita.

Mga Binuhatan 9:39

Isa ka adlaw, nagmasakit sing grabe si Tabita. Grabe kalala sang iya masakit gani napatay sia.

Mga Binuhatan 9:37

Duha ka lalaki nga nagadali-dali para maistorya si Pedro.

Nasuboan kaayo ang iban nga mga miyembro sang Simbahan sa Jope. Kabalo sila nga si Pedro, isa sa mga Apostoles ni Jesus, ara sa malapit nga banwa. Nagpadala sila sang duha ka tawo para pangabayon si Pedro nga magdali kag mag-upod sa ila.

Mga Binuhatan 9:38

Gindala sang mga tawo si Pedro kay Tabita.

Nagkadto si Pedro sa ginahamyangan sang lawas ni Tabita. Ato didto ang iban nga mga babayi nga ginbuligan ni Tabita. Ginpakita nila kay Pedro ang mga bayo nga ginhimo niya para sa ila.

Mga Binuhatan 9:39

Nagluhod si Pedro kag nagpangamuyo para kay Tabita.

Ginpangabay ni Pedro ang tanan nga tawo nga maggwa sa kuwarto. Nagluhod sia kag nagpangamuyo.

Mga Binuhatan 9:40

Pagkatapos nga magpangamuyo, nagsiling si Pedro, “Bangon ka, Tabita.” Ginmuklat niya ang iya mga mata kag nagpungko. Ginbuligan ni Pedro si Tabita nga magtindog. Nabuhi sia liwat! Gintawag ni Pedro ang iya mga abyan nga magkadto kag tan-awon sia. Nahalawhaw gid sila! Nakahibalo sila nga nabanhaw sia paagi sa gahum ni Jesucristo. Madamo pa gid nga mga tawo ang nagpati sa Iya.

Mga Binuhatan 9:40–42