Si Pablo kag Silas

Gintawag sang Ginuo si Pablo kag Silas para mag-upod sa pagwali sang ebanghelyo. Nagbiyahe sila pakadto sa madamo nga siyudad para tan-awon kon kumusta na ang mga simbahan.

Mga Binuhatan 15:40–41; 16:4–8

Isa ka gab-i, sa isa ka panan-awon, nakita ni Pablo ang isa ka tawo halin sa Macedonia nga nagahagad sa iya nga magkadto sa iya siyudad. Naglakat gilayon si Pablo kag Silas. Nahibal-an nila nga gusto sang Dios nga maglakat sila.

Mga Binuhatan 16:9–10

Sang mag-abot sila sa Macedonia, nabatian sila sang isa ka babayi nga ginatawag nga Lidia, nga nagatudlo. Ginbuksan sang Ginuo ang tagipusuon ni Lidia. Nagpati sia sa gintudlo ni Pablo kag ginbunyagan.

Mga Binuhatan 16:13–15

Ginhambalan ni Lidia si Pablo kag Silas nga pwede sila magdayon sa iya balay samtang ara pa sila didto.

Mga Binuhatan 16:15

Pero indi tanan nanamian nga ato didto si Pablo kag Silas. May mga tawo nga wala manamii sang ila ginatudlo. Gindala nila si Pablo kag Silas sa merkado kag ginhambalan ang mga lider sang siyudad nga nagatuga sila sang kagamo.

Mga Binuhatan 16:16–21

Naakig ang mga tawo kay Pablo kag Silas. Gingisi sang mga lider sang siyudad ang biste ni Pablo kag Silas kag naghambal nga dapat sila bakulon.

Mga Binuhatan 16:22–23

Dayon ginpriso sang mga lider sang siyudad si Pablo kag Silas. Ginhigtan ang ila mga tiil kag ginbutangan sila sang magguwardiya sa ila.

Mga Binuhatan 16:23–24

Sina nga gab-i, nangamuyo si Pablo kag Silas kag nagkanta sang mga himno para sa Ginuo samtang nagapamati ang iban nga mga priso. Gulpi lang, nag-uyog ang duta. Nagbukas ang mga puwertahan sang prisohan, kag napalos ang mga gapos.

Mga Binuhatan 16:25–26

Nakabugtaw ang guwardiya kag nakita ang bukas na nga mga puwertahan. Abi niya nakapalagyo ang mga priso kag mabutang sia sa alang-alang tungod ginpabay-an niya sila nga makapalagyo. Ginhambalan ni Pablo ang guwardiya nga indi magkabalaka. Ara pa gihapon didto ang mga priso.

Mga Binuhatan 16:27–28

Ginkulbaan ang guwardiya. Nagluhod sia sa atubang ni Pablo kag Silas kag nagsiling, “Ano bala ang dapat ko himuon nga maluwas ako?” Siling nila, “Magtuo kay Ginuong [Jesucristo].”

Mga Binuhatan 16:27–31

Gintudlo ni Pablo kag Silas ang ebanghelyo sa guwardiya kag sa iya pamilya. Ginbulong sang guwardiya ang mga pilas ni Pablo kag Silas. Sina nga gab-i, ginbunyagan sia kag ang iya pamilya!

Mga Binuhatan 16:32–33