Gintentar ni Satanas si Jesus

Ehemplo sang pagbato sa tentasyon

Si Jesus nga nagalakat sa kamingawan (wilderness).

Pagkatapos sang Iya bunyag, naglakat si Jesus sa kamingawan para makaupod ang Dios. Wala Sia nagkaon sa sulod sang 40 ka adlaw. Nagpuasa Sia kag nagpangamuyo para maghanda sa Iya misyon.

Mateo 4:1–2.

Si Satanas nga gintentar si Jesus nga himuon ang mga bato nga tinapay.

Ginagutom na si Jesus. Nagpalapit si Satanas kag gintentar Sia. Siling niya nga kon si Jesus Anak sang Dios, mahimo niya ang mga bato nga tinapay. Indi ini paghimuon ni Jesus. Ginsambit ni Jesus ang balaan nga kasulatan para isiling nga nagakabuhi Sia sa pulong sang Dios, indi lang sa tinapay.

Mateo 4:2–4

Si Satanas nga ginatentar si Jesus nga maglumpat halin sa ibabaw sang pader sang templo.

Dayon gindala sang Balaan nga Espiritu si Jesus sa pader sang templo. Gintentar ni Satanas si Jesus nga maglumpat. Siling niya nga kon si Jesus Anak sang Dios, indi Sia pagpabay-an sang mga anghel nga mahalitan. Wala maglumpat si Jesus. Ginhambalan Niya si Satanas nga siling sa balaan nga kasulatan nga indi naton dapat pagtentaron ang Dios.

Mateo 4:5–7.

Si Satanas nga nagatentar kay Jesus nga simbahon sia.

Dayon, gindala sang Balaan nga Espiritu si Jesus sa putok-putukan sang bukid. Didto sa ibabaw, makita ni Jesus ang tanan nga ginharian sang kalibutan. Nag-abot si Satanas kag nagsiling nga ihatag niya kay Jesus ining tanan nga ginharian kon simbahon Niya sia.

Mateo 4:8–10.

Si Jesus nga ginahambalan si Satanas nga maghalin.

Ginhambalan ni Jesus si Satanas nga nagasiling ang balaan nga kasulatan nga ang Dios lang gid ang aton simbahon. Ginhambalan ni Jesus si Satanas nga maghalin. Nagkadto si Jesus sa Galilea para itudlo ang Iya ebanghelyo. Napuno Sia sang gahum sang Balaan nga Espiritu.

Lucas 4:13–14