Mga Sugilanon sa Balaan nga mga Kasulatan
Si Jesus Nagaayo sang Bulag nga Tawo—Pag-ayo nga nagakatabo sa pagligad sang panahon

Marcos 8:22–25

Si Jesus Nagaayo sang Bulag nga Tawo

Pag-ayo nga nagakatabo sa pagligad sang panahon

Mga tawo nga nagahakwat sang bulag nga tawo para mapaayo ni Jesus.

Sa isa ka banwa nga ginatawag Betsaida, gindala sang mga tawo ang isa ka bulag nga tawo kay Jesus. Gusto nila nga pakamaayohon sia ni Jesus para nga makakita sia.

Marcos 8:22

Ginpakamaayo ni Jesus ang tawo.

Gin-uyatan ni Jesus ang kamot sang tawo kag gindala sia pa-gwa sa banwa. Dayon gintungtong ni Jesus ang Iya mga kamot sa ulo sang tawo kag ginpakamaayo sia.

Marcos 8:23

Ang tawo makakita na karon, pero indi pa gid maayo.

Ginpamangkot ni Jesus ang tawo kon may makita na sia. Nagtangla ang tawo. Siling niya makakita sia diutay, pero indi pa kaayo klaro. Siling niya nga ang mga tawo daw nagalakat nga mga kahoy.

Marcos 8:23–24

Ang tawo makakita na karon sing klaro.

Ginpakamaayo liwat ni Jesus ang tawo. Sa sini nga tion, sang magtangla sia, maathag na ang tanan. Gin-ayo sia ni Jesus!

Marcos 8:25