Mga Sugilanon sa Balaan nga mga Kasulatan
Si Marta kag si Maria—Pagpili sang pinakaimportante

Lucas 10:38–42

Si Marta kag si Maria

Pagpili sang pinakaimportante

Si Marta nga nagaabiabi kay Jesus kag sang Iya mga disipulo.

Si Marta nagapuyo sa isa ka baryo nga ginatawag Betania. Sang si Jesus kag ang Iya mga disipulo nag-abot sa Betania, gin-abiabi sila ni Marta sa iya puluy-an.

Lucas 10:38

Si Marta nagaamoma sang iya mga bisita.

Samtang nagatudlo si Jesus, masako gid si Marta sa pag-amoma sang iya mga bisita. Ang iya utod nga si Maria, nagpungko malapit kay Jesus kag namati sa Iya mga pulong.

Lucas 10:39–40

Si Marta nga nagapakigsugilanon kay Jesus.

Si Marta wala nalipay nga sia lang isa ang nagahimo sang tanan nga ulobrahon. Iya ginhunahuna nga si Maria dapat nagabulig man sa iya imbis nga magpamati kay Jesus. Ginpangabay ni Marta si Jesus nga hambalon si Maria nga buligan sia.

Lucas 10:40

Si Jesus nga nagasabat kay Marta.

Makita ni Jesus kon daw ano ang pagpangabudlay ni Marta. Ginhambalan Niya sia nga natalupangdan Niya nga nagakabalaka sia sa madamo nga butang.

Lucas 10:41

Si Jesus nga nagatudlo kay Marta kag Maria.

Ginpaathag ni Jesus nga may mga butang nga mas importante sangsa iban. Si Maria, siling Niya, nagpili sang maayo nga magpamati sa Iya mga pulong. Ang mga butang nga iya nagakatun-an kay Jesus indi gid makuha sa iya.

Lucas 10:42