Si Zaqueo ang Manugsukot sang Buhis

Ginbisitahan ni Jesus ang siyudad sang Jerico. May nagaestar didto nga tawo nga ang ngalan si Zaqueo. Si Zaqueo manggaranon nga manugsukot sang buhis. Kalabanan sang mga tawo wala nanamian sang mga manugsukot sang buhis. Siling nila kadako kaayo sang ginasukot nila nga kuwarta sa mga tawo.

Lucas 19:1–2

Nabatian ni Zaqueo nga ara sa siyudad si Jesus. Gusto niya nga magtuon pa gid parte sa Iya. Gintinguhaan niya nga makita si Jesus, pero indi sia makapalapit tungod kadamo kaayo sang tawo nga nagalibot sa Iya, kag kanubo kay Zaqueo. Paano niya makita si Jesus?

Lucas 19:3–4

Nagdalagan sa unhan si Zaqueo kag nagsaka sa kahoy para makita niya si Jesus. Paglabay ni Jesus, nagtangla sia kag nakita si Zaqueo sa puno. Gintawag ni Jesus ang iya ngalan kag nagsiling, “Panaog diri.” Gusto ni Jesus nga magbisita sa iya sa ila balay. Dali-dali si Zaqueo nga nagpanaog sa kahoy. Grabe ang iya kalipay nga makadto si Jesus sa iya balay.

Lucas 19:4–6

Natingala ang mga tawo sa Jerico kon ngaa makadto si Jesus sa balay ni Zaqueo. Ginapamensar nila nga makasasala si Zaqueo tungod manugsukot sia sang buhis.

Lucas 19:7

Siling ni Zaqueo kay Jesus, “Ihatag ko sa mga imol ang katunga sang akon mga pagkabutang.” Siling niya nga kon dako kaayo ang ginsukot niya sa isa ka tawo, bayaran niya sila sang mas dako pa gid. Siling ni Jesus kay Zaqueo, “Ang kaluwasan nag-abot sa sining panimalay karon nga adlaw.” Siling ni Jesus nga nagkadto Sia para pangitaon kag luwason ang mga tawo nga nadula.

Lucas 19:6, 8–10