“Ginhimo Ninyo Ini sa Akon”

Ginhambalan ni Jesus ang Iya mga disipulo nga pagkatapos Niya nga magbalik sa Iya Amay sa Langit, mabalik Sia liwat sa duta upod ang tanan nga balaan nga mga anghel. Sa sina nga adlaw, ang mga tawo sa tanan nga nasyon magatipon sa Iya atubang—mga tawo nga nagsunod sa Iya kag ang mga tawo nga wala nagsunod sa Iya.

Mateo 25:31–33

Hambalon ni Jesus ang mga tawo nga nagsunod sa iya nga makasulod sila sa Iya ginharian, tungod nga sang ginagutom Sia, ginpakaon Sia nila. Sang ginauhaw Sia, ginpainom Sia nila.

Mateo 25:34–35

Ginhatagan nila Sia sang bayo kag sang lugar nga madayunan sang kinahanglan Niya ini. Sang nagamasakit Sia ukon napriso, ginbisitahan Sia nila.

Mateo 25:36

Ang mga tawo mamangkot kay Jesus kon san-o nila ginhimo ining maayo nga mga butang sa Iya. Ipaathag sang Manluluwas nga kon nagahimo kita sang maayo nga mga butang sa iban nga tawo, daw pareho lang nga nagahimo kita sang maayo nga mga butang sa Iya.

Mateo 25:37–40

Ihambal ni Jesus sa mga tawo nga wala nagsunod sa Iya nga indi sila makasulod sa Iya ginharian. Sang ginagutom Sia kag ginauhaw, wala nila Sia ginhatagan sang pagkaon ukon mainom.

Mateo 25:41–42

Wala nila Sia ginbuligan sang nagakinahanglan Sia sang bayo ukon sang lugar nga madayunan. Sang nagamasakit Sia ukon napriso, wala nila Sia ginbisitahan.

Mateo 25:43

Ipaathag ni Jesus nga kon pilion naton nga indi magbulig sa tawo nga nagakinahanglan, ginapili naton nga indi magbulig sa Iya. Kon pilion naton nga magbulig sa iban, ginapili naton nga buligan si Jesus.

Mateo 25:45