Mga Sugilanon sa Balaan nga mga Kasulatan

Sarang ni Jesucristo Himuon ang mga Mahuyang nga Mabakod—Leksyon ni Pablo halin sa “tunok”

2 Mga Taga-Corinto 12:7–10

Sarang ni Jesucristo Himuon ang mga Mahuyang nga Mabakod

Leksyon ni Pablo halin sa “tunok”

Si Apostoles Pablo nga nagatudlo sa mga tawo parte sa Manluluwas.

Si Apostoles Pablo isa ka matutom nga alagad ni Jesucristo. Madamo sia sang mga rebelasyon kag nagtudlo sa mga tawo parte sa Manluluwas. Pero madamo man sing kabudlayan si Pablo.

2 Mga Taga-Corinto 12:7

Si Pablo nga nagasulat sa mga miyembro sang Simbahan sa Corinto.

Sa sulat sa mga miyembro sang Simbahan, ginkomparar ni Pablo ang iya mga hangkat sa tunok nga nagdulot sa iya panit. Nagpaluya ini kaayo kay Pablo.

2 Mga Taga-Corinto 12:7

Tatlo ka beses, nagpangamuyo si Pablo kag nagpangabay sa Ginuo nga dulaon ang iya kabudlayan. Pero wala ini gindula sang Ginuo.

2 Mga Taga-Corinto 12:8–9

Ang Manluluwas nga nagauyat sa mga kamot ni Pablo kag nagabutong sa iya paibabaw.

Sa baylo, ginhambalan sang Ginuo si Pablo nga may igo Sia nga gahum para pabakuron si Pablo. Natun-an ni Pablo nga kon kis-a ang isa ka kabudlayan sarang nga mangin maayo nga butang kon magdangop kita sa Ginuo kag magpangayo sing bulig. Kon pamatyag naton nga maluya kita, mahimo kita nga pabakuron ni Jesucristo, bisan pa nga ang aton mga kabudlayan indi madula.

2 Mga Taga-Corinto 12:9–10