Ang Bata nga Jesus

Nagdako si Jesus sa banwa sang Nazaret upod ni Maria kag Jose. Sa kadugayan, nagdugang pa gid Sia sa pagtuon parte sa Amay nga Langitnon. Naghanda Sia para sa buluhaton nga ipahimo sa iya sang Amay nga Langitnon.

Lucas 2:39–40; Doktrina kag mga Kasugtanan 93:12–14

Sang 12 anyos pa lang si Jesus, nagkadto Sia sa Jerusalem upod ang pamilya kag kaabyanan para iselebrar ang Pascua. Nagtiner sila didto sang pila ka adlaw.

Lucas 2:41–43

Sa dalanon papauli, natalupangdan ni Jose kag Maria nga indi na nila upod si Jesus. Nagbalik sila sa Jerusalem para pangitaon Sia. Grabe gid ang ila pagkabalaka.

Lucas 2:44–46

Pagkatapos sang pagpangita sa sulod sang tatlo ka adlaw, nakita gid man ni Maria kag Jose si Jesus. Ara Sia sa templo, nagaistorya sa pila ka manunudlo parte sa balaan nga kasulatan. Ang mga manunudlo ang nagapamangkot sa Iya. Nakadayaw sila sa nahibal-an kag naintiendihan ni Jesus!

Lucas 2:46–47.

Ginhambalan ni Maria si Jesus nga grabe ang ila kabalaka sang indi nila Sia makita. Siling ni Jesus nga ginahimo Niya ang buluhaton sang Iya Amay nga Langitnon. Nagbalik si Jesus sa Nazaret upod ang Iya pamilya. Gintuman Niya si Maria kag Jose.

Lucas 2:48–52

Padayon nga nagtuon si Jesus. Nagdako Sia nga mabukod kag makusog. Palangga Sia sang Amay nga Langitnon kag ginbuligan Sia nga maghanda para sa Iya misyon. Palangga ni Jesus ang mga tawo sa Iya palibot, kag palangga nila Sia.

Lucas 2:52