Fas mo Seken Tesalonaeka
Ol Pikinini blong Laet
Stap biliv long Jisas Kraes taem yumi stap wet blong Hem i kambak bakegen
Ol Sent long taem blong Pol oli stap glad tumas from dei ia we bae Jisas Kraes i kambak long wol bakegen. Long wan ples we oli singaotem Tesalonaeka, laef i stap kam moa had blong Ol Sent. Oli stap tingting sapos hemia i minim se Jisas bae i kambak i no longtaem nomo. Pol i bin raetem ol leta blong helpem olgeta.
1 Tesalonaeka 4:16–18; 5:1–2; 2 Tesalonaeka 1:4
Pol i talem se i nogat wan i save wetaem bae Jisas i kambak bakegen. Bae hem i wan sapraes long sam pipol, olsem wan stilman i stap kam long naet taem oli stap slip.
1 Tesalonaeka 5:2–3; 2 Tesalonaeka 2:2
Be Pol i talem long Ol Sent se oli no stap long tudak. From oli bin folem Jisas Kraes, !Ol Sent oli ol pikinini blong laet!
1 Tesalonaeka 5:4–5
Pol i eksplenem se bifo we Jisas bae i kambak bakegen, plante pipol bae oli gowe long trutok. Hem i wantem Ol Sent, ol pikinini blong laet, blong gohed blong stap folem Jisas mo stap lukluk fored long taem we bae Hem i kambak. Sapos yumi mekem hemia, nomata long wanem i stap hapen long wol, bae yumi yumi rere taem Jisas i kam bakegen.
1 Tesalonaeka 1:5; 2 Tesalonaeka 2:3