Kam mo Luk

Invaetem wan fren blong folem Jisas

Filip i stap lisin long Jisas taem Hem i stap tijim ol pipol.

Wan man we nem blong hem filip, hem i wan long ol man blong folem Jisas. Hem i save se Jisas i Sevya. Filip i wantem se fren blong hem Nataniel i save abaot Jisas tu.

Jon 1:43–45

Filip i stap toktok long fren blong Hem Nataniel.

Nataniel i save se ol skripja i talem se God bae sendem wan Sevya. Filip i talem long hem se, hem i faenem Sevya—Nem blong Hem i Jisas, blong Nasaret.

Jon 1:45

Filip i invaetem Nataniel blong kam mo luk Jisas.

Long fas ples Nataniel i no bilivim hem. Hem i no ting se Sevya ia i blong Nasaret. “?Yu ting se wan gudfala samting i save kamaot long Nasaret?” hem i askem. Filip i ansa, “Kam mo Luk.”

Jon 1:46

Nataniel i folem Filip blong go mitim Jisas. Taem Jisas i luk tufala i stap kam, Hem i talem se Nataniel i wan gudfala man blong stap talem trutok. Nataniel bin sapraes. Hem i neva mitim Jisas bifo. ?Olsem wanem nao Jisas i save hem?

Jon 1:47–48

Jisas i talem long Nataniel se bifo Filip i toktok long hem, Jisas i bin luk hem i stap staon andanit long wan fik tri.

Jon 1:48

Nataniel i stap nildaon long fored blong Jisas.

Nataniel i save se Jisas i Pikinini blong God. Jisas i talem long Nataniel se bae hem i luk plante bigfala samting—olsem ol enjel oli kamaot long heven—evri samting ia from fet blong hem.

Jon 1:49–51