Matiu 20:1–16
Wan Parabol blong ol Wokman long Plantesen
Wan mesej blong hop
Jisas i talem long ol disaepol blong Hem wan parabol o stori blong helpem olgeta andastanem kingdom blong heven se i olsem wanem. Long parabol ia, wan man i nidim ol pipol blong wok long plantesen blong hem. From hemia, wan eli moning hem i faenem sam wokman we oli agri blong wok ful dei blong wan koen. Oli stat blong wok.
Matiu 20:1–2
Tri aoa afta, hem go karem sam moa wokman. Hem i askem olgeta blong wok long plantesen kasem en blong dei. Hem i givim promes blong pem olgeta i stret nomo.
Matiu 20:3–4
Tri aoa afta, man ia i faenem sam moa man we oli nidim blong wok. Hem i askem olgeta blong wok long plantesen tu.
Matiu 20:5
Kolosap en blong dei, man i luk ol pipol we oli nogat samting blong mekem. Oli talem se nogat man i givim wok long olgeta ful dei. Man ia i se oli save wok long las aoa blong dei long plantesen blong hem.
Matiu 20:6–7
Long en blong dei, man ia i pem ol wokman blong hem. Hem i givim wan koen long olgeta we oli wok blong wan aoa nomo. Hem i givim wan koen tu long wanwan long ol wokman. Ol pipol we oli wok fuldei oli kros. Oli ting se olgeta sud karem moa mane bitim ol narawan.
Matiu 20:8–12
Man ia i rimaenem ol wokman ia se olgeta i agri blong wok fuldei blong wan mane nomo. Hem i se oli n0 mas kros sapos hem i jusum blong kaen long ol narawan we oli wok long plantesen blong hem.
Matiu 20:13–16