Matiu 14:13–21; Jon 6
Jisas I Fidim Taosen Pipol
Hem Nao I Bred blong Laef
Jisas i faenemaot se oli bin kilim ded Jon Baptaes. Hem i go long wan ples we i longwe long taon blong mekem se Hem i save stap Hemwan.
Matiu 14:13
Taem ol pipol oli harem ples we Jisas i go long hem, oli folem Hem. Taem Jisas i luk olgeta, Hem i filim lav ia we Hem i gat long olgeta. Hem i spenem ful dei blong givim blesing mo hilim ol man.
Matiu 14:13–14
Kolosap en blong dei, ol man oli stat blong hanggre. Ol Aposol oli gat tingting ia se Jisas i mas sendem olgeta pipol ia i go bak long taon blong karem kaekae. Be Jisas i wantem olgeta blong stap. Hem i askem ol Aposol blong givim sam kaekae long ol pipol blong oli kakae.
Matiu 14:15–16
Aposol Andru i faenem wan smol boe we i gat faef smolsmol bred mo tu smolsmol fis blong i givim long ol pipol. Be i gat 5000 man plasem wetem ol women mo ol pikinini we oli nidim blong kakae. Olsem wanem nao oli save fidim plante pipol ia wetem smol kaekae ia nomo?
Matiu 14:17, 21; Jon 6:8–10
Jisas i askem ol Aposol blong karem sam kaekae i kam long Hem. Hem i talem long ol man ia blong sitdaon long gras. Afta Jisas i talem wan prea blong talem tangkyu long Papa long Heven long bred mo fis ia mo blong i blesem. Jisas i brekem bred mo fis ia long ol pis.
Matiu 14:18–19; Jon 6:10–11
Jisas i talem long ol Aposol blong Hem blong givim bred mo fis long pipol ia. Evriwan i kaekae mo oli fulap. Afta we oli kakae i gat 12 basket yet we i fulap long kaekae i stap.
Matiu 14:20; Jon 6:11–13
Long nekis dei, ol pipol ia oli kambak mo luk Jisas bakegen. Be Jisas i save se plante long olgeta i folem Hem from Hem i bin givim kaekae long olgeta. Jisas i rimaenem olgeta se kaekae i stap blong wan smoltaem nomo. Hem i gat wan gudfala samting moa blong givim long olgeta.
Jon 6:14, 24–27
,“Mi ya mi bred we i givim laef.” Jisas i talem. Bred i mekem yumi laef long wol ia. Be Jisas Kraes i save givim long yumi laef we i no save wetem Papa long Heven.
Jon 6:35–58
Plante pipol oli no laekem wanem we Jisas i stap traem blong tijim. Oli go mo oli nomo wantem blong folem Jisas.
Jon 6:60, 66
Jisas i askem long ol Aposol blong Hem, ?Olsem wanem long yufala? Yufala tu i wantem gowe long mi?” Pita i ansa, “Masta. ?Bambae mifala i save go long hu? Yu nomo yu gat ol tok blong laef ia we i no save finis.” Ol Aposol oli no lego Hem. Oli bin save se Jisas Kraes i Sevya mo Pikinini blong God.
Jon 6:67–69