Ol Skripja Stori
Jisas I Mekem Lasaros I Laef Bakegen—“Mi nao, mi stamba blong laef bakegen long ded. Mi nao mi stamba blong laef”

Jon 11:1–46

Jisas I Mekem Lasaros I Laef Bakegen

“Mi nao, mi stamba blong laef bakegen long ded. Mi nao mi stamba blong laef”

Meri, Mata, mo Lasaros.

Meri, Mata, mo Lasaros oli stap long wan taon we oli singaotem Betani. Olgeta i bilif long Jisas, mo Hem i lavem olgeta. Meri mo Mata tufala i sista blong Lasaros.

Jon 11:1, 5

Lasaros i sik.

Lasaros i sik bigwan. Jisas i stap long wan nara taon. Meri mo Mata i sendem toktok long Jisas, tufala i letem Hem i save se fren blong Hem, Lasaros i sik.

Jon 11:1–3

Jisas i talem se bae Hem i mekem Lasaros i laef bakegen.

Jisas i wet blong tu dei. Afta Hem i talem long ol disaepol blong Hem se bae oli go long Betani. Ol disaepol oli wari from se sam man we oli stap kolosap long Betani oli wantem mekem kilim Jisas. Be Jisas i wantem helpem Lasaros. Jisas i se Lasaros i ded finis, mo Hem i wantem blong mekem Lasaros i laef bakegen.

Jon 11:6–16

Mata i mitim Jisas.

Mata i mitim Jisas aotsaed long taon. Hem i talem se sapos Jisas i kam kwik, bae Lasaros bae i no save ded. Jisas i bin promes se bae Lasaros i laef bakegen.

Jon 11:17–24

Mata i toktok wetem Jisas.

Jisas i talem, “Mi nao, mi stamba blong laef bakegen long ded. Mi nao mi stamba blong laef” Jisas i askem Mata sapos hem (Mata) i bilivim Hem (Jisas). Hem i talem, “Mi mi bilif se yu yu Mesaea, yu yu Pikinini blong God.”

Jon 11:25–27

Meri, Mata mo Jisas

Mata i gobak long haos mo talem long Meri se Jisas i kam finis. Meri i kam mo foldaon long leg blong Jisas, i stap krae from brata blong hem. Jisas i krae tu. Hem i lavem Lasaros, Meri mo Mata.

Jon 11:28–36

Jisas i go long hol blong ston long ples we oli berem Lasaros long hem.

Jisas, Meri mo Mata long ples we oli berem Lasaros long hem. Wan bigfala ston i kavremap hol blong ston. Jisas i talem blong oli muvum ston ia.

Jon 11:38–39

Jisas i askem Mata blong biliv long Hem.

Be Mata i talem long Jisas se Lasaros i ded blong fo dei finis. Jisas i rimaenem Mata abaot promes blong Hem. Hem i askem hem blong i biliv.

Jon 11:39–40

Jisas i talem long Lasaros blong kamaot.

Jisas i prea long Papa blong Hem. Hem i talem tangkyu from oltaem God i stap harem Hem. Jisas i wantem ol pipol blong bilivim se God i sendem Hem blong kam Sevya blong wol. Afta Jisas i singaot, “ Lasaros, kam aot.”

Jon 11:41–43

Lasaros i stanap mo wokbaot i kamaot long tumb.

Lasaros i wokbaot i kamaot long tumb. Ol klos we oli kavremap hem i stap raonem hem yet. Jisas i talem long ol pipol blong oli karemaot ol klos long hem. Plante pipol oli luk wanem i hapen long dei ia mo oli bilivim se Jisas i Sevya, Pikinini blong God.

Jon 11:44–45