Mata mo Meri

Mata i stap long wan vilij we oli singaot Betani. Taem Jisas mo ol disaepol blong Hem oli kam long Betani, Mata i welkamem olgeta long haos blong hem.

Luk 10:38

Taem Jisas i stap tij, Mata i stap bisi tumas blong stap givim seves long ol ges blong hem. Sista blong hem, Meri, i sidaon kolosap long Jisas mo i lisin long ol toktok blong Hem.

Luk 10:39–40

Mata i no hapi se hem i stap mekem evri wok hemwan. Hem i ting se Meri i mas helpem be i no blong stap lisin long Jisas. Mata i askem Jisas blong talem long Meri blong i helpem hem.

Luk 10:40

Jisas i save luk hadwok blong Mata. Jisas i talem long Mata se hem (Mata) i wari tumas long plante samting.

Luk 10:41

Jisas i eksplenem se sam samting oli moa impoten bitim ol narafala samting. Meri, Hem i talem, i mekem wan gudfala joes blong lisin long ol toktok blong Hem. Ol samting we hem i stap lanem bae oli neva save karemaot long hem.

Luk 10:42