Jisas long pul blong Betesda

Long Jerusalem, i gat wan ples we oli singaotem Pul blong Betesda. Ol pipol oli bilif se pul ia i gat olgeta paoa blong hilim man. Plante pipol we oli sik, blaen, o oli no save wokbaot oli kam long pul ia.

Jon 5:2–3

Ol pipol oli bilif se, sam taem, wan enjel i kam daon mo stap muvmuvum wota blong pul ia. Fas man we i go insaed long wota ia afta we oli tantanem bae i kasem hiling long eni sik we hem i gat. Plante pipol oli stap traem blong stap feswan long pul ia.

Jon 5:4 .

Wan long ol man we oli stap long pul ia, i wan man we i no save wokbaot. Hem i bin sik blong 38 yia. Hem i wantem blong go long pul ia blong kasem hiling, be evri taem we hem i traem, i gat wan i go insaed festaem.

Jon 5:5–7

Wan Sabat dei, Jisas i stap long Jerusalem. Taem Hem i wokbaot i go long wan taon, Hem i kam long Pul blong Betesda mo luk man ia i silip i stap.

Jon 5:6

Jisas i save se man ia i sik blong wan longfala taem mo i no save wokbaot. Jisas i askem long hem sapos yu wantem blong kasem hiling.

Jon 5:6

Man ia i talem long Jisas se i nogat wan blong i helpem hem i go insaed long pul ia mo taem we wota ia i muvmuv, oltaem ol man bae oli go insaed festaem long pul ia bifo hem.

Jon 5:7

Jisas i talem long hem se, “Ale, yu stanap, yu tekem mat blong yu, yu wokbaot, yu go.” Wantaem nomo, man ia kam oraet! Hem i stanap mo karem bed blong hem. Blong fas taem afta long 38 yia, hem i save wokbaot!

Jon 5:8–9

Ol lida blong ol man Jiu oli luk hem i stap karem bed blong hem. Oli talem se hem i no givim ona long Sabat dei, from oli ting se blong karem bed blong hemwan i olsem se hem i stap wok. Man ia i talem long olgeta se hem i jes hil nomo, mo man we i hilim hem i talem long hem blong i karem bed blong hem.

Jon 5:10–11

Ol lida oli faenemaot se Jisas i hilim man ia mo i talem long man ia blong karem bed blong hem long Sabat. Be oli kros long Jisas mo oli wantem kilim Hem. Jisas i talem long olgeta se Hem i stap mekem ol samting we Papa blong Hem long Heven i tijim Hem blong i mekem.

Jon 5:15–17