Jisas I Mekem Solwota I Kwaet

Jisas mo ol disaepol blong Hem oli go long wan bot blong travel i go long Solwota blong Galili. Win i stat blong blo strong tumas. Ol wef i stat blong saksakem bot, mo kolosap wota i fulap insaed long bot. Be Jisas i slip gud nomo i stap.

Matiu 8:23–24

Ol disaepol oli fraet tumas. Oli singaot Jisas i wekap. Oli singaot se “Masta, Yu sevem yumi,”. Olgeta oli ting se bae oli draon long bigfala solwota ia.

Matiu 8:25

“?From wanem yufala i fraet?” Jisas i askem. Hem i talem long ol disaepol se oli nidim blong gat moa fet. Afta Hem i stanap mo toktok long win mo ol wef, “Pis, i stap.”

Matiu 8:26; Mak 4:39

Hariap nomo win i stop, mo solwota i kwaet. Jisas mo ol disaepol oli bin sef. Ol disaepol blong Jisas oli sapraes tumas. Oli gat tingting ia se wanem kaen man i save toktok long win mo solwota, mo oli obei long Hem!

Matiu 8:26–27