Efesas 6:11–17
Ful Klos blong Faet blong God
Stap sef long saed blong spirit
Pol i bin tijim Ol Sent long Efesas se yumi evriwan i stap long faet agensem devel. Semmak olsem ol soldia we oli stap wetem ol klos blong faet blong kipim bodi blong olgeta i sef, yumi save werem klos blong faet blong God long saed blong spirit, blong kipim ol spirit blong yumi i sef.
Efesas 6:11–13
Pol i bin komperem klos blong faet blong wan soldia long ol samting we i protektem yumi long saed blong spirit. Eksampol, hem i talem se trutok i olsem wan strap we yumi putum raon long bel blong yumi.
Efesas 6:14
Nekis wan, Pol i talem stret mo gud fasin i olsem wan klos blong faet we oli wokem long aean, we i protektem hat blong yumi.
Efesas 6:14
Gospel blong pis blong Jisas Kraes i olsem ol but we yumi werem blong protektem ol leg blong yumi.
Efesas 6:15
Fet blong yumi long Jisas Kraes i olsem wan sil we i protektem yumi long Setan, semmak olsem wan sil i stap protektem ol soldia long ol aro blong enemi blong olgeta.
Efesas 6:16
Pol i talem se fasin blong sevem man i olsem wan hat blong klos blong faet we i stap kipim hed mo maen blong yumi i sef.
Efesas 6:17
Laswan, Pol i talem se Spirit hem i tok blong God we i olsem wan naef blong faet.
Efesas 6:17
Taem yumi wetem evri pis blong klos blong faet blong God, yumi save no fraet mo stanap agensem ol giaman mo temtesen blong devel. God i givim klos ia blong faet long yumi blong helpem yumi blong kipim spirit blong yumi i sef mo strong.
Efesas 6:11–13