Jon 8:1–11
Pipol Oli Wantem Panisim wan Woman We I Mekem Sin
“Go, mo No Mekem Sin Bakegen”
Wan eli moning, Jisas Kraes i go long tempol long Jerusamlem. Plante pipol oli raonem Jisas blong harem Hem i tij.
Jon 8:1–2
Taem Jisas i stap tij, sam lida blong ol man Jiu oli karem wan woman i kam long Jisas. Oli faenem hem i stap brekem wan long ol komanmen blong God. Long loa, ol man oli mas stonem ded woman ia.
Jon 8:3–5
Ol man oli askem Jisas wanem nao bae i hapen long hem. Oli stap traem blong trikim Jisas. Oli save se bae Hem i no wantem woman ia blong i kasem kil. Be sapos Jisas i talem se bae oli no panisim woman ia, bae oli save talem long Hem se woman ia i no stap obei long loa.
Jon 8:6
Be Jisas i no ansa long olgeta. Hem i bendaon mo raet long graon. Afta ol man ia oli askem wanem bae oli mekem.
Jon 8:6–7
Afta, Jisas i stanap mo lukluk raon long ol man ia. Hem i talem long olgeta se, sapos wan long olgeta i neva mekem sin, hem i save stonem woman ia faswan.
Jon 8:7
Hem i bendaon mo gohed blong raet long graon. Evri man ia oli save se olgeta tu oli stap mekem sin. Wan afta wan oli stap wokbaot i go.
Jon 8:8–9
Jisas i lukluk raon mo i luk woman ia nomo i stanap i stap. Hem i askem woman ia wea ol pipol we oli wantem panisim hem. Hem i se evriwan oli aot finis Jisas i talem long woman ia, “Gohom mo yu nomo mekem sin bakegen. Long taem ia i go, woman ia i biliv long Jisas.
Jon 8:9–11; Josef Smi Translesen, Jon 8:11; insaed long Jon 8:11, futnot c.