1 Korin 6:16–20
Pol I Komperem Bodi blong Yumi long Tempol
Ol tabu presen we i kam long God
Korin hem i wan bigfala siti kolosap long solwota. Siti ia i gat plante pipol we oli no wosipim God. Pol i tijim ol pipol long Korin abaot Jisas. Plante pipol oli bin biliv mo oli kasem baptaes.
Ol Wok 18:8–11
Afta we Pol i aot, hem i harem se ol memba blong Jos oli stap gat sam problem. Plante pipol long Korin oli no stap folem ol komanmen blong God abaot olsem wanem blong lukaot o yusum bodi blong yumi.
1 Korin 6:13–18
Poli i raetem wan leta i go long olgeta. Hem i talem se ol bodi blong yumi oli olsem tempol blong God. Yumi tritim tempol wetem respek from se hem i haos blong God. Yumi mas tritim ol bodi blong yumi tu wetem respek, from hem i wan presen we i kam long God.
1 Korin 6:19–20
Papa long Heven i wantem yumi blong jusum blong mekem ol gud samting wetem bodi blong yumi. Taem yumi mekem olsem, yumi save gat Tabu Spirit wetem yumi.
1 Korin 6:19
Pol i talem se Jisas Kraes i bin pem praes blong yumi tru long safaring blong Hem. Yumi soem lav blong yumi from Jisas, taem yumi stap mekem ol gudfala joes abaot bodi blong yumi mo stap kipim ol komanmen blong Hem. Yumi soem God se yumi talem glad from naesfala presen we i ol bodi blong yumi, taem yumi tritim olgeta olsem wan tempol.
1 Korin 6:20