2 Korin 12:7–10

Jisas I Save Mekem Ol Samting We I No Strong Oli Kam Strong

Lesen blong Pol aot long wan “nil”

Aposol Pol i stap tijim ol pipol abaot Sevya.

Aposol Pol i wan gudfala wokman blong Jisas Kraes. Hem i gat plante revelesen mo i bin tijim ol pipol abaot Sevya. Be Pol i bin gat plante jalenj tu.

2 Korin 12:7

Pol i stap raetem wan leta i go long ol memba blong Jos long Korin.

Long wan leta we Pol i raetem i go long ol memba blong Jos, Pol i bin komperem ol jalenj blong hem olsem blong gat wan nil we i fas insaed long skin blong hem. I mekem Pol i filim bodi blong hem i slak.

2 Korin 12:7

Pol i bin prea tri taem mo askem Lod blong i tekemaot jalenj blong hem. Be Lod i no tekemaot.

2 Korin 12:8–9

Sevya i stap holem han blong Pol mo i stap leftemap hem.

Be Lod i talem long Pol se Hem i gat inaf paoa blong mekem Pol i strong. Pol i lanem se samtaem wan jalenj i save wan gudfala samting sapos yumi tanem yumi i go long Lod mo askem help blong Hem. Taem yumi filim yumi nogat paoa, Jisas Kraes i save mekem yumi kam strong, nomata sapos ol jalenj blong yumi oli no go.

2 Korin 12:9–10