Ol Wok 9:36–42
Tabita, wan Woman We I “Mekem Ol Gudfala Wok”
I bin laef bakegen tru long paoa blong Jisas Kraes
Tabita i wan fetful disaepol blong Jisas Kraes. Hem i stap long taon kolosap long solwota we oli singaotem Jopa. Hem i laekem tumas blong givim seves mo helpem ol pipol we oli nogat samting.
Ol Wok 9:36
Tabita i mekem ol klos mo i givim long ol woman we oli stap long nid. Oli laekem Tabita tumas.
Ol Wok 9:39
Wan dei Tabita i sik bigwan. Hem i sik tumas mekem hem i ded.
Ol Wok 9:37
Ol nara memba blong Jos long Jopa oli harem nogud. Oli save se Pita, wan long ol Aposol blong Jisas, i stap long wan taon kolosap long olgeta. Oli sendem tu man blong go askem Pita blong i hariap mo kam long olgeta.
Ol Wok 9:38
Pita i kam long ples we bodi blong Tabita i stap long hem. Sam long ol woman we Tabita i bin helpem olgeta, oli stap long we. Oli soem ol klos we Tabita i mekem blong olgeta long Pita.
Ol Wok 9:39
Pita i askem evri pipol blong aot long rum. Hem i nildaon mo prea.
Ol Wok 9:40
Afta we Pita i prea, hem i talem, “Tabita, yu girap.” Hem i openem ol ae blong hem mo sidaon i kam antap. Pita i helpem hem blong stanap. !Hem i bin laef bakegen! Pita i singaotem ol fren blong hem blong kam luk Tabita. !Oli sapraes tumas! Oli save se hem i bin laef bakegen long ded tru long paoa blong Jisas Kraes. Plante moa pipol oli biliv long Hem.
Ol Wok 9:40–42